Elizabeth
|
C'l artìcul chè 'l è scrit in
Miranduléś |
 Elizabeth
| ||
 Joseph Fiennes e la Blanchett in na figùra dal film | ||
| id. 1998 | ||
|---|---|---|
| Regìa: Shekhar Kapur | ||
| Scritōr: Michael Hirst | ||
| Atōr: Cate Blanchett • Geoffrey Rush • Fanny Ardant Christopher Eccleston • Richard Attenborough Joseph Fiennes • Eric Cantona • Vincent Cassel Daniel Craig • Kathy Burke • Paul Fox • James Frain John Gielgud • Jamie Foreman • Emily Mortimer | ||
| Müsica: David Hirschfelder | ||
| Léngua: Ingléś | ||
| Dürä dal film: 126 minüt | ||
| Nasiōṅ: Régn Unî | ||
Elizabeth (id.) 'l è 'n film stòric dal 1998 ad Shekhar Kapur. Al gh'à abû un séguit in dal 2007, Elizabeth: The Golden Age. 'L è stâ candidâ a sèt Prèmi Òscar, vinsénd qvél p'r al truc. Inóltar 'l à purtâ a cà al Golden Globe dal 1999 par l'atōra prutagunìsta, la Cate Blanchett.
Custâ trénta migliòṅ ad dòlar, al film al 'n à pò purtâ a cà da piò 'd utànta-dū.
Sunt
In dal 1558 a mōr ad cànc'r a la màdar la regìna catòlica Mary 'd Inghiltèra (Kathy Burke), dita la sagṿinària. Al sò pòst ad dirìt al vèṅ tòlt par la sò surelàstra, l'anghlicàna Elizabeth I (Cate Blanchett), ch'l'à pasâ soquànt an saràda dènt'r a la tór ad Lóndra parchè i pinsàvan ch'la faghìs di tragatèṅ cóntar sò surèla ma invéci l'éra stada qvésta chè ch'l'à pruâ a far-la fóra.
Dvintàda regìna, l’Elizabeth la fà turnàr in Inghiltèra Robert Dudley (Joseph Fiennes), cònt ad Leicester, un curtigiàṅ eśiliâ ch'l è stâ 'l sò amōr da quànd lì lē l'éra pìcula. Soquànt nòbii 'd Europa i vrévan spuśàr-la p'r al putēr cuma 'l Duca 'd Anjou (Vincent Cassel), ch'al dvintarà pò al rè ad Frància c'n al nóm 'd Enrico III. In na cundisiòṅ ad criśi, c'n al paéś ardùt in buléta, la regìna la gh'à da pasàr anc dal trapli da 'l intéran, cuma qvéli dal Duca ad Norfolk (Christopher Eccleston).
L’Elizabeth la gh la cava però a cumbàt'r-i tut, dand anc vita a 'n perìud 'd òr p'r al Régn Unî. Par far-al, la decìd 'd a n spuśàr-as minga, meritànd-'s acsè al scutmàj ad Regìna vìrgin.