Elisféra
|
C'l artìcul chè 'l è scrit in
Miranduléś |
L’Elisféra l'è na regiòṅ dal spasi intór'n a 'l Sōl, delimitàda da l'elipàuśa, in du la cunsisténsa dal vènt sulàr l'è più granda 'd qvéla dla matèria interstelàra ch'la s cata fóra.
A s trata praticamènt dna bóla gigànta magnética, ch'la sa ślarga 'd almànc 100 UA da 'l Sōl, ch'la tîṅ dènt'r al sistéma sulàr, al camp magnètic sulàr e 'l vènt sulàr. Cun la sò asiòṅ la para via i raś còśmig ch'i rìvan da 'l spasi interstelàr.
L’Elisféra la n gh'à minga na fórma regulàra e fisa ma la dipénd da 'l scónt'r in at fra 'l vènt sulàr e 'l plaśma interstelàr e anc da 'l muimènt dal Sōl a 'l intéran dla Via dal Lat (20 km/s a 'l incìrca) rispèt a qvél dgl'atri stéli darènt a lò. In tut al manéri a s créd ch'la gh'àppia 'n aspèt ślungâ cuma qvél dal cuméti e, stand a i dat dal sóndi Voyager, ch'la sò elipàuśa la sia furmàda da 'n squantèr'n ad bóli magnètichi, grandi anc 1 UA, ch'i pàran na sćiùma.