El dia de la bestia
|
C'l artìcul chè 'l è scrit in
Miranduléś |
 El día de la bestia
| ||
| El dia de la bestia | ||
 Gianni Ippoliti in na figùra dal film | ||
| Al dè dla bistiàsa 1995 | ||
|---|---|---|
| Regìa: Álex de la Iglesia | ||
| Scritōr: Álex de la Iglesia Jorge Guerricaechevarría | ||
| Atōr: Armando De Razza • Maria Grazia Cucinotta Álex Angulo • Santiago Segura • Gianni Ippoliti Terele Pávez • Antonio de la Torre • Pololo | ||
| Müsica: Battista Lena | ||
| Léngua: Spagnōl • Itagliàṅ | ||
| Dürä dal film: 103 minüt | ||
| Nasiōṅ: Spaggna | ||
El dia de la bestia (Al dè dla bistiàsa) l'è na cumèdia négra dal 1995 'd Álex de la Iglesia ch'l'à vins siē Prèmi Goya in dal 1996 su quatórdas candidadùri.
La culòna sunóra l'è stada scrita p'r al cumpàgn dla regìsta Francesca Archibugi, Battista Lena.
Sunt
Pàdar Àngel (Álex Angulo), prēt e prufesōr ad teulugìa, al capìs da 'n mesàǵ cifrâ ch'al s cata in dal lìbar dl'Apucalìs ad San Śvan che la vgnuda d'l Anticrìst l'è lè lè par vgnir esénd sgnada p'r al 25 ad Dicémbar dal 1995. Par mét'r-as cónt'r a 'l demòni al prevòst'r al decìd ad ciapàr-an la fēd tacànd a far dal mâł in gir. Rivâ a Madrìd al religióś al taca a far di quèi a 'l arvèrsa cuma śgranfgnàr dla ròba a 'n barbòṅ o rubàr na valìś.
Na sira Àngel al cgnós in un negòsi ad disc un metalàr ciamâ José María (Santiago Segura) piutòst imbranâ ma 'l sò ubietìṿ 'l è qvél ad rivàr a dascórar cun Cavan (Armando De Razza), un luminàri in ucultìśum ch'al fà i sò predicòs in televiśiòṅ. Chi lò al gh sarvìs p'r arciamàr al demòni, vénd'r-ag l'anma e pò cupàr-al par salvàr al mónd.
Insém a José María al prēt al s insfìlsa a cà dal santòṅ e, par far-as dir al segrét par ciamàr al Diàvul, i gh dànan śò a la granda mulànd-ag soquànti bastunàdi. Cavan al próa a rispóndar ch'i èṅ tut dal bali ma pò 'l è custrét a vudàr al sac. Par mét'r-as in cuntàt cun la bistiàsa a gh'è da disgnàr di sìmbui màgic su 'l pavimènt, druàr dgl'òsti cunsacràdi e dal dròghi bòni ad far vgnir dgl'alucinasiòṅ, àqua santa e sangṿ dna vìrgin. In na quàlc manéra i dū i rìv'n a 'vér incòsa, a gh cala sōl al sangṿ. Àngel al próa a druàr qvél dla muróśa 'd Cavan, la Susana (Maria Grazia Cucinotta), ma purtròp lì lē la n è briśa vìrgin, 'd atra part l'éra abàsta butàr 'l òć a cum l'éra vistìda par réndar-'s-an cònt subìt.