Do Not Disturb - Non disturbare
|
C'l artìcul chè 'l è scrit in
Miranduléś |
 Do Not Disturb
| ||
| Do Not Disturb - Non disturbare | ||
 La Jennifer Tilly e Hurt in na figùra dal film | ||
| Do Not Disturb - Minga disturbàr 1999 | ||
|---|---|---|
| Regìa: Dick Maas | ||
| Scritōr: Dick Maas | ||
| Atōr: William Hurt • Jennifer Tilly • Denis Leary Michael Chiklis • Corey Johnson • David Gwillim | ||
| Müsica: Dick Maas | ||
| Léngua: Ingléś | ||
| Dürä dal film: 94 minüt | ||
| Nasiōṅ: Ulànda • Germàgna | ||
Do Not Disturb - Non disturbare (Do Not Disturb - Minga disturbàr) 'l è 'n thriller ulandéś e tedésc dal 1999 scrit, dirèt e muśicâ par Dick Maas.
'L è stâ girâ a Àmsterdam.
Sunt
Walter Richmond (William Hurt), presidènt dn'indùstria 'd fàrmag americàna, sò mujēr Cathryn (Jennifer Tilly) e la sò putìna Melissa (Francesca Brown), ch'l'è muta ma minga sórda, i partìsan par na stmana 'd lavōr e vacànsa in Ulànda, a Àmsterdam. I tōśan na cambra in d'l hutèl Europa in du a gh'è anc al cantànt Billy Boy Manson (Michael A. Goorjian) e dònca lè in gir a gh'è 'n squantèr'n ad fan sfegatâ.
Dòp ès'r andàda a 'l cèso, la Melissa la s pèrd finénd in un curtìl in du par caś l'è testimòni dal masamènt d'l avucàt Van Der Molen (David Gwillim) ad òpra d'l imprendidōr Hartman (Michael Chiklis) e dal sicàri Bruno Decker (Corey Johnson). La baghéta la próa a scapàr via ma chi àtar dū i aṅ fat a mènt ch'i èṅ stâ vist e dònca i gh tìn'n adrē lung i canài dla sità. Méntar Hartman al s fà càr'g ad far sparìr al cadàvar, Bruno al cur adrē a la putìna ch'la dmanda ajùt a 'n barbòṅ drugâ su na barca.