Discussione:Hardcore (film 1979)
Ultimo commento: 3 anni fa di Gloria sah
Nuètr a Chèrp, mè a srèv abàsta sicùra che na frèś acsè "che sò mujēr la 'l à lasâ", a l'arèven scrìta "che só mujēr al l'à lasê", indû (a s capìs che nuèter carbśàn a n'gh'òm minga chegli a acsè avèrti e acsè tant despès) al pronòm personèl ogèt al al gnarèv prìma che 'l pronòm sogèt l’. Egl'ìn dal sfumadùri ch'a s fà anc fadìga a sernìri, in dal ciacarèr in fuga, mo a gh'scumitarèv ch'a s dirèv acsè perchè mè a gh'ò preśèint chel do lettri l lè ch'i s sèinten dòpi ùna darèint a cl'ètra, quand a s ciacàra :-) --Glo (discussioni) 17:37, 29 Ago 2021 (CEST)
- Mah, mè a dirév Luca al la magna par dir che Luca al magna la banàna.--Mirandolese (discussioni) 22:00, 29 Ago 2021 (CEST)
- Anca mè a dig "mah" ("Chi dice "mah!" cuor contento non ha, e chi "mah" dice, il suo cuor non è felice", vōt che mé nòna la n'savìs i lavōr cum i vàn??!)... Secònd mè a è sucès che pr an avér dal "cacofonìi", di sòun bliśgalìngva, dal volti a s simplìfica i lavōr e i s desvèinen el dō lettri l. In dal plurèl, a 'm pèr ch'a n'sucéda gninta ed stran:
* Lò al li magna, i pìr / el bistèchi;
* Lē la i magna, i pìr / el bistèchi.
In dal singolèr, secònd mè, a s cata dō manéri ed druèr i pronòm sogèt/ogèt:
* Lò ’l al magna, al pìr - Lò ’l la magna, al pìr / Lò ’l la magna, la bistèca;
* Lē la 'l magna, al pìr - Lē al la magna, al pìr / Lē la la magna, la bistèca.
Chel dō formi lè: lò al la magna, al pìr e lē al la magna, al pìr, mè a cat pròpia ch'i sìen dal manéri pr an armàgner incarcagnê in dal bablèr, ch'i faghen còmed per capìres anca s'i n'rispònden minga perfetamèint a 'l réghli di pronòm masć e femna... --Glo (discussioni) 14:38, 30 Ago 2021 (CEST)- A 'm vin da dìr, dòunca, che s'a sòm drē a druèr al vèrub avér ch'al jùta a fèr al tèinp pasê:
* Lò al li à magnê, i pìr / magnèdi el bistèchi;
* Lē la i à magnê, i pìr / magnèdi el bistèchi.
* Lò al ’l à magnê, al pìr - Lò ’l ’l à magnê, al pìr / Lò ’l l’à magnèda, la bistèca;
* Lē la ’l à magnê, al pìr - Lē al l’à magnê, al pìr / Lē la l’à magnèda, la bistèca.
...in cal chèś chè 'l incòunter brùt dal lettri l al vin tolt vìa in dal druèr la forma Lē al l’à magnê, al pìr. Mè a sarèv ed cl avìś chè... :-) --Glo (discussioni) 18:44, 30 Ago 2021 (CEST)
- A 'm vin da dìr, dòunca, che s'a sòm drē a druèr al vèrub avér ch'al jùta a fèr al tèinp pasê:
- Anca mè a dig "mah" ("Chi dice "mah!" cuor contento non ha, e chi "mah" dice, il suo cuor non è felice", vōt che mé nòna la n'savìs i lavōr cum i vàn??!)... Secònd mè a è sucès che pr an avér dal "cacofonìi", di sòun bliśgalìngva, dal volti a s simplìfica i lavōr e i s desvèinen el dō lettri l. In dal plurèl, a 'm pèr ch'a n'sucéda gninta ed stran: