Dellamorte Dellamore (film)
|
C'l artìcul chè 'l è scrit in
Miranduléś |
 Dellamorte Dellamore
| ||
.png) L'Anna Falchi e Everett in na figùra dal film | ||
| Dlamòrt dlamōr 1994 | ||
|---|---|---|
| Regìa: Michele Soavi | ||
| Scritōr: Tiziano Sclavi • Gianni Romoli | ||
| Atōr: Rupert Everett • François Hadji-Lazaro Anna Falchi • Mickey Knox • Fabiana Formica Clive Riche • Barbara Cupisti • Katja Anton Stefano Masciarelli • Alessandro Zamattio | ||
| Müsica: Riccardo Biseo • Manuel De Sica | ||
| Léngua: Itagliàṅ | ||
| Dürä dal film: 105 minüt | ||
| Nasiōṅ: Itàglia • Frància • Germàgna | ||
Dellamorte Dellamore (Dlamòrt dlamōr) 'l è 'n film ad scarésa dal 1994 ad Michele Soavi trat da 'l rumànś umònim ad Tiziano Sclavi, 'l aṿtōr ad Dylan Dog. 'L à vins un Dàvid ad Dunatèl par la senugrafìa.
In dla culòna sunóra dal film a gh'è 'l braṅ Hellraiser 'd Ozzy Osbourne.
Sunt
Francesco Dellamorte (Rupert Everett) al fà 'l becamòrt in dal paiśèṅ 'd Buffalora. Al viṿ da par lò e al n gh'à minga di amìg a part al sò jutànt ritardâ Gnaghi (François Hadji-Lazaro), ciamâ acsè parchè al n è gnanc bòṅ ad dascórar a par dir di “gna”, e 'l sò èx cumpàgn ad scóla Franco (Anton Alexander), impiegâ cumunàl. Al pasa 'l sò tèmp a scanślàr da 'l elènc telefònig i nóm dla gint ch'l à saplî.
Da 'n quàlc tèmp, par n'epidemìa misterióśa, i cadàvar dal simitèri i tórnan in vita cuma śómbi dòp sèt dè da la mòrt e 'l śōvan, p'r a n pèrd'r al pòst, 'l è custrét a far-i fóra śbragànd-ag la tèsta par pò saplìr-i incóra.
Un dè in dal sò campsànt a riva na védva (Anna Falchi) a catàr sò marè. Francesco 'l armàgn culpî da la sò belésa. In séguit al gh la cava a gusàr-la davànti a la tómba dal sò spóś ma chi lò al n la tōś minga tant bèṅ, al s déśda e 'l ferìs la dóna ch'la dvènta na śómbi anc lē. Francesco 'l è custrét acsè a cupàr-la.
Al cumisàri Marshall Straniero (Mickey Knox) al taca a far di indàśin.