Delitto sotto il sole
|
C'l artìcul chè 'l è scrit in
Miranduléś |
 Evil Under the Sun
| ||
| Delitto sotto il sole | ||
 Peter Ustinov e la Diana Rigg in na figùra dal film | ||
| Masamènt sóta 'l sōl 1982 | ||
|---|---|---|
| Regìa: Guy Hamilton | ||
| Scritōr: Agatha Christie • Anthony Shaffer | ||
| Atōr: Peter Ustinov • Jane Birkin • Diana Rigg Maggie Smith • Sylvia Miles • Nicholas Clay Colin Blakely • Roddy McDowall • James Mason | ||
| Müsica: John Lanchberry | ||
| Léngua: Ingléś • Francéś • Tedésc | ||
| Dürä dal film: 117 minüt | ||
| Nasiōṅ: Régn Unî | ||
Delitto sotto il sole (Masamènt sóta 'l sōl) 'l è 'n śal ingléś dal 1982 ad Guy Hamilton trat da 'l rumànś “Còrp a 'l sōl” dal 1947 dl'Agatha Christie. 'L è stâ girâ a Lóndra e a Majòrca in Spaggna.
Sunt
Durànt al vacànsi 'd istâ, in s'n ìśula dal Mediteràneo, soquànt persunàǵ i s càt'n in d'l hutèl Jolly Roger. Praticamènt tut i cgnósan e i gh'aṅ quèl da spartìr cun l'atōra ad Broadway Arlena Stuart (Diana Rigg), da pôc spuśàda c'n al capitàṅ Kenneth Marshall (Denis Quilley), òṅ ch'al gh'à bèla abû na fiōla, la Linda (Emily Hone), da n'atra dóna.
A gudér-'s al sōl i gh'èṅ anc:
- Daphne Castle (Maggie Smith), pruprietària d'l hutèl
- Patrick Redfern (Nicholas Clay), musculóś amànt dl’Arlena
- Christine Redfern (Jane Birkin), mujér dasfurtunàda ad Patrick
- Rex Brewster (Roddy McDowall), giurnalìsta fat a la sò manéra
- Odell Gardener (James Mason), ex prudutōr teatràl dl’Arlena
- Myra Gardener (Sylvia Miles), mujér 'd Odell ch'la n pōl védar l’Arlena
- Sir Horace Blatt (Colin Blakely), imprenditōr pîṅ ad bèsi e ex amànt dl’Arlena
Un dè l’Arlena la vèṅ catàda mòrta cupàda sóta 'l sò umbarlòṅ méntar la ciapàva 'l sōl. Par furtùna ch'in dal pòst a gh'è anc al detective Hercule Poirot (Peter Ustinov). Par lò catàr al sasèṅ al n è minga però un quèl da rìdar parchè tut i gh'aṅ di àlibi, acsè a pâr almànc.