Cuore sacro
|
C'l artìcul chè 'l è scrit in
Miranduléś |
 Cuore sacro
| ||
 Poggio e la Bobulova in na figùra dal film | ||
| Cōr sàcar 2005 | ||
|---|---|---|
| Regìa: Ferzan Özpetek | ||
| Scritōr: Ferzan Özpetek • Gianni Romoli | ||
| Atōr: Barbora Bobulova • Andrea Di Stefano Lisa Gastoni • Massimo Poggio • Erika Blanc Camille Dugay Comencini • Stefano Santospago Gigi Angelillo • Paolo Romano • Michela Cescon Caterina Vertova • Enrica Ajò • Stefania Spugnini | ||
| Müsica: Andrea Guerra | ||
| Léngua: Itagliàṅ | ||
| Dürä dal film: 120 minüt | ||
| Nasiōṅ: Itàglia | ||
Cuore sacro (Cōr sàcar) 'l è 'n film dramàtic dal 2005 ad Ferzan Özpetek ch'l à vins dimóndi prèmi in Itàglia cuma dū David ad Dunatèl (par la Barbora Bobulova e p'r al senugrafìi 'd Andrea Crisanti, cun anc dódas candidadùri), un Nàstar 'd Argìnt (par la Barbora Bobulova), dū Glōb 'd Òr (par Ferzan Özpetek e incóra par la Barbora Bobulova), dū Ciak 'd Òr e tri Prèmi Flajàṅ.
Custâ siē migliòṅ 'd euro a 'l incìrca, al 'n à pò purtâ a cà sōl la mità.
Sunt
L’Irene Ravelli, manager ad sucès, cun 'l ajut ad sò sia Eleonora (Lisa Gastoni) ch'l'è in afâr sèg, la gh la cava a far dassequestràr 'n antìg palàs ad famìja che lē la vrév mét'r a frut. Rivàda in sal pòst, la cgnós al custòdi d'l abitasiòṅ, al vèć Aurelio (Gigi Angelillo), ch'al gh fà védar la cambra da lèt ch'l'éra stada ad sò màdar Adriana e che lò 'l à tgnû cumpàgn a cum 'l éra. In di mur la fiōla la cata dal scriti sacri e dal figùri religióśi. Fóra dal palàs, na putìna ciamàda Benny (Camille Dugay Comencini) la gh śgranfgna via 'l purtafój ma dòp la gh prumét ch'la gh pag'rà na séna s'i s cat'raṅ incóra.
Par tacàr i lavōr edilìsi, l’Irene e l’Eleonora i gh'aṅ biśógn dla firma dla surèla ad chi lē, la Maria Clara (Erika Blanc), n'imbariagòsa ch'la viṿ in un sènt'r ad riabilitasiòṅ, ma la dóna la n in vōl mia savér. Soquànt tèmp dòp l’Irene la cat' incóra la Benny par strada. La baghéta la gh'à da purtàr in gir dal spòrti cun dal magnàr dèntar a dla gint dal quartēr e la gh dmanda 'n ajùt par far-al. La sgnóra la gh tîṅ adrē e la gh'à acsè la manéra ad cgnós'r un mónd ch'la n iva mai vdû, qvél di pòvar crist.
L’Irene la gh và a fónd e la vèṅ a savér ch'la putìna l'è ligàda a la Céśa dal vuluntariâ ad pàdar Carras (Massimo Poggio).