Cudghîn
|
C'l artìcol chè 'l è scrit in
Carpśàn |
Al cudghîn (cotechino in itagliàn) 'l è 'n insachê 'd cherna dal nimêl, ch'a s à da cóś'r in dl'àqua a fōg bâs p'r un sert tèimp, a sgònd anca dla só grosèsa, perché 'l dvèinta śmulśèin e digerìbil.
Al deśvìn pròpia tùt da 'l nimêl, d'indû a s tōś di tàj mìa tant pregê, cun anca 'n pô 'd codga e maśnê tùt insèm cun soquànti spési e dal péver négher, i se sfrùcen dàint'r a 'n sactèin 'd codga o 'd budêl cuśî c'n un fîl 'd cutòun.
Dôp ch'al s è vujê ind un sachèt 'd tela 'd canva fermèda cun dal spêg, śbuśìda 'n pô la codga cun la fursèina e lasê a bùjer per soquànt tèimp infintànt ch'l è pròunt, dòunca 'l cudghîn al s cunpàgna bèin cun la pulèinta e i faśō, che 'l dvèinta acsè anc al piât tradisionêl ed tanti cuśèini dal campàgni di tèimp pasê, mo anca incō 'l è incòr tradisiòun ch'al s servìsa al prìm ed 'l an ch'a s dîś ch'al porta furtòuna.
'L è 'n magnèr dimòndi grâs, che se na vòlta a n's egh fèva mìa dimòndi chêś, mo invéci incō a gh'è da guardèr-egh, ch'el só calorìi per èto egl'ìn dintór'n ai 400 Kcal[1], e incòr che 'l gh'à di grâs satur, a dìr pîn ed colesterôl[2].
Vóś lighèdi
Èter progêt
Wikimedia Commons contiene file multimediali su Cudghîn
Wikizionario contiene la voce di dizionario «Cudghîn»
Colegamèint estèren
- (IT) Soquànti risèti indû 's cata anc al cudghîn.
- (IT) Na risèta col cudghîn in dal sît taccuinistorici.it.
- (IT) La só stòria ind un sît a lò dedichê.
- (IT) La vóś in dal sît kulinarischeserbe.ch.
- (IT) La vóś in sìm'a 'l vucabulàri Treccani.
- (IT) D'indû a deśvìn al só nòm in sìm'a etimo.it.
Referèinsi
- ↑ (IT) El calorìi 'd soquànt magnèr in 'n elèinc in ligna.
- ↑ (IT) Na spiegasiòun in sìm'a 'l diferèinti sorti 'd grâs ind un sît in ligna.