Collections privées
|
C'l artìcul chè 'l è scrit in
Miranduléś |
 Collections privées
| ||
| Collections privées | ||
 Hiroshi Mikami in na figùra dal film | ||
| Culesiòṅ privàdi 1979 | ||
|---|---|---|
| Regìa: Just Jaeckin Shūji Terayama • Walerian Borowczyk | ||
| Scritōr: Jean-Michel Ribes • Kyōka Izumi Guy de Maupassant • Shūji Terayama Rio Kishida • Walerian Borowczyk | ||
| Atōr: Roland Blanche • Marie-Catherine Conti Laura Gemser • Hiroshi Mikami • Keiko Niitaka Yves-Marie Maurin • Hedwige De Mouroux | ||
| Müsica: Pierre Bachelet Carlo Rustichelli • J.A. Seazer | ||
| Léngua: Ingléś • Francéś • Giapunéś | ||
| Dürä dal film: 103 minüt | ||
| Nasiōṅ: Frància • Giapòṅ | ||
Collections privées (Culesiòṅ privàdi) 'l è 'n film francéś e giapunéś a epiśòdi dal 1979 girâ par tri regìsta ad film eròtic: Just Jaeckin, Shūji Terayama e Walerian Borowczyk. Gl'ùltim dū epiśòdi i èṅ trat da òpri ad Kyōka Izumi e ad Guy de Maupassant.
Sunt
Epiśòdi “L'île aux sirènes”
Benoît (Roland Blanche), durànt un gir in barca a véla, al pèrd al cuntròl e al finìs in mâr ma a s salva parchè al gh la cava nudànd a rivàr su n'ìśula dla Polinèśia ciamàda “L'ìśula dal siréni”. A 'l inìsi al fà da tut par far-as nutàr da dal barchi o da di aparéć ch'i pàsan da 'd là ma pò al cgnós na dóna dal pòst ch'la gh piàś dimóndi, la Malinka (Laura Gemser). Chi lē l'è dimóndi bèla e gentìla e la gh śibìs dla fruta da magnàr, pò la fà 'l amōr sèg prima ad purtàr-'l in dal sò vilàǵ in dua a gh'è atri tri dóni. Un dè Benoît al cata par tèra un pès ad sinturèṅ e al dmanda a la Malinka s'a gh'è stâ di àt'r óm lè turìsta ma qvala lè la n capìs minga, piutòst a gh'è da védar cuśa g'à-la in tèsta lē parchè al curtèl ad Benoît a n s cata piò.
Epiśòdi “Kusa-Meikyu”
'N óm ad nóm Akira (Takeshi Wakamatsu) al próa in tut al manéri a 'rcurdàr al paròli dna filatéla ch'i 'l fàvan cuntènt quànd sò màdar (Keiko Niitaka) l'éra incóra viva e lò 'l éra sōl un ragasōl (Hiroshi Mikami). La dascurìva dna tradisiòṅ ch'la vliva che cal dóni ch'i tucàvan na bucìna i éran pò bòni 'd avér fiōl.
Epiśòdi “L'armoire”
A Parì 'n óm cun di bèsi (Yves-Marie Maurin), sinténd-as dimóndi da par lò, al decìd 'd andàr a 'n spetàcul nutùran e pò ad pagàr na balarìna (Marie-Catherine Conti) par pasàr la nòt sèg. Chi lē, esénd dimóndi pòvra, la gh'astà e la 'l pòrta a cà sua. Dòp avér fat 'l amōr e avér dascōrs p'r un pôc dal primi gusàdi dla sgnōra, a s sènt di stus vgnir da dèntar 'l armàri.