Ciao maschio
|
C'l artìcul chè 'l è scrit in
Miranduléś |
 Ciao maschio
| ||
 Mastroianni e Depardieu in na figùra dal film | ||
| Ciào masć 1978 | ||
|---|---|---|
| Regìa: Marco Ferreri | ||
| Scritōr: Marco Ferreri Gérard Brach • Rafael Azcona | ||
| Atōr: Gérard Depardieu • Marcello Mastroianni James Coco • Abigail Clayton • Stefania Casini Mimsy Farmer • Geraldine Fitzgerald • Avon Long | ||
| Müsica: Philippe Sarde | ||
| Léngua: Ingléś | ||
| Dürä dal film: 113 minüt | ||
| Nasiōṅ: Itàglia • Frància | ||
Ciao maschio (Ciào masć) 'l è 'n film dramàtic dal 1978 ad Marco Ferreri preśentâ a 'l 31śum Fèstival ad Cannes in dua 'l à purtâ a cà al gran prèmi dla giurìa.
Sunt
Gérard LaFayette (Gérard Depardieu) 'l è 'n śuvnòt ch'al viṿ in un scantinâ a New York. Al fà al lètrutècnic in un muśèo dla Róma antìga, curâ da 'l diretōr Andreas Flaxman (James Coco). Par pasàr-'s al tèmp 'l ajùta anc un grup ad dóni ch'i lavóran p'r i dirìt dal fémni. Una ad qvili lè, l’Angelica (Abigail Clayton), l'è inamuràda 'd lò.
'N àtar quèl ch'al fà da spés 'l è qvél ad tgnir a drē a soquànt vèć cuma 'l anàrchic itagliàṅ Luigi Nocello (Marcello Mastroianni), al sunadōr négar Miko (Avon Long) e la bèla sgnóra Toland (Geraldine Fitzgerald). Un gióran, faghénd un gir sèg in dla spiàgia davśèṅ a 'l fiùm Hudson, Luigi al cata datéś a la carcàsa ad King Kong un simiòt sōl nâ e 'l al regàla a Gérard. Chi lò al gh s taca dimóndi e 'l al tōś sèg cum un fiōl, dand-'g al nóm ad Cornelio.
Al śóvan invéci al n in vōl savér 'd arcgnósar al putèṅ ch'la gh'à 'd avér da lò l’Angelica, dòp che lē la 'l iva custrét a gusàr-la. In cal méntar Luigi al s masa impicànd-as e LaFayette 'l al cata magnâ da di sórag.
Esénd dimóndi śò, Gérard al và a catàr Flaxman ma chi lò al n sa squàsa mia. In cal méntar al muśèo al ciàpa fōg cun lōr dū ch'i èṅ dèntar.