Christiane F. - Noi, i ragazzi dello zoo di Berlino
|
C'l artìcul chè 'l è scrit in
Miranduléś |
 Christiane F. -Wir Kinder vom Bahnhof Zoo | ||
| Christiane F. - Noi, i ragazzi dello zoo di Berlino | ||
 La Natja Brunckhorst in na figùra dal film | ||
| Christiane F. - Nuàtar, i ragàs dal zoo ad Berlîṅ 1981 | ||
|---|---|---|
| Regìa: Uli Edel | ||
| Scritōr: Kai Hermann Horst Rieck • Herman Weigel | ||
| Atōr: Natja Brunckhorst • Thomas Haustein Christiane Reichelt • Jens Kuphal • Rainer Woelk Jan Georg Effler • David Bowie • Eberhard Auriga | ||
| Müsica: David Bowie | ||
| Léngua: Tedésc | ||
| Dürä dal film: 124 minüt | ||
| Nasiōṅ: Germàgna | ||
Christiane F. - Noi, i ragazzi dello zoo di Berlino (Christiane F. - Nuàtar, i ragàs dal zoo ad Berlîṅ) 'l è 'n film biugràfic tedésc dal 1981 'd Uli Edel trat da 'l lìb'r umònim ad Kai Hermann e ad Horst Rieck, dū giurnalìsta ch'i aṅ intervistâ in parśòṅ, cuntànd la sò vita, la Christiane Vera Felscherinow, na drugàda pódga ch'la gh'iva 'd andàr a prucès.
Sunt
La Christiane F. (Natja Brunckhorst) la viṿ in dal quartēr durmitòri ad Gropiusstadt a Berlîṅ cun sò màdar, ch'la s è divìśa da sò marè, e sò surèla. Méntar chi lē la decìd 'd andàr a star cun sò pàdar, la Christiane la taca a 'ndàr ad sira cun sèg la sò amìga Kessi (Daniela Jaeger) in dla discutéca Sound, famóśa parchè lè a gh'è anc un gir ad dròga e ad prustitusiòṅ. La ragasōla la gh cgnós Detlef (Thomas Haustein) ch'al dvènta 'l sò muróś.
Cun 'l amànt nóṿ ad sò màd'r in cà, la Christiane la s liga sèmpar da piò a la Kessi, a Detelf e a i sò amìg Axel (Jens Kuphal), Bernd (Jan Georg Effler) e "Pui" (Rainer Woelk). Insém i tàc'n a pruàr di àcid par pò pasàr a la dròga a 'n cuncèrt ad David Bowie (David Bowie). A 'l pòst dla Kessi, ch'la s è ciapàda na patnàda da sò màdar (Ellen Esser) ch'la s l'arcurdarà in fiṅ ch'la scampa, adès la Christiane la và in gir cun atri dū ragasōli ch'i èṅ dvintàdi sò amìgi dal cōr, la Stella (Kerstin Richter) e la Babette D. (Christiane Reichelt), dita Babsi, drugàdi pódghi anc lōr.
La Christiane la taca sèmpar da piò a tōr d'l eruìna insém a Detlef. Quànd i bèsi i finìsan, par śbuśìr-'s incóra, l'è custréta a prustituìr-as e a fà cumpàgn anc al sò murós cun di óm davśèṅ a la stasiòṅ ad Berlîṅ. Un dè, turnànd a cà, i càtan Axel mòrt dastéś par n'overdôś.
Culegamènt estéran
- (EN) La schéda dal film in s'l IMDb
- (IT) La schéda dal film in sal FilmTV
- (EN) La culòna sunóra dal film, cantàda da 'l David Bowie ins al youtube