C'l artìcul chè 'l è scrit in Miranduléś Emiliàn

Celos
Celos - Gelosia

La Botto e la Sánchez-Gijón in na figùra dal film
Celos - Geluśìa
1999
Regìa: Vicente Aranda
Scritōr: Álvaro del Amo • Vicente Aranda
Atōr: Aitana Sánchez-GijónDaniel Giménez Cacho
María BottoLuis TosarCarlos Kaniowsky
Müsica: José Nieto
Léngua: Spagnōl
Dürä dal film: 105 minüt
Nasiōṅ: Spaggna


«
1991 “AMANTES” - 2001 “CELOS”.»
(Tagline dal film)


Celos - Gelosia (Celos - Geluśìa) l'è na pelìcula dramàtica e eròtica dal 1999 ad Vicente Aranda.

A 'l cìnema l'à fat sù dagnóra un migliòṅ e tri 'd euro.

Sunt

La Carmen (Aitana Sánchez-Gijón) e Antonio (Daniel Giménez Cacho) i èṅ na còpia 'd inamurâ ch'i lavór'n in na fàbrica 'd purtugài in dla pruìnsa spagnōla, lē cuma uperàja ch'la gh'à da mét'r-i in dal caséti, lò cuma camiunista. Un dè 'l óm al fà a mènt a na fóto vècia dla sò muróśa in du lē l'è brasàda a 'n bèl śuvnòt che lò al n cgnós briśa. Turnâ a cà Antonio al gh admànda chi 'l è ma lē la fà finta 'd gnint, la diś ch'l'è àqua pasàda.

Gelóś mat, 'l óm al n è minga cuntènt dla spiegasiòṅ e 'l taca a dmandàr nutìsi in gir, prima a 'l sò culéga camiunìsta Luis (Luis Tosar) pò a la sò amìga dal cōr Cinta Vidal (María Botto), na ninfòmana ch'la fà la cumésa in un negòsi 'd scarpi. Tut dū i gh dìś'n ad daśmindgàr la questiòṅ ma lò al và avànti in fiṅ tant che 'n camiunìsta (Carlos Kaniowsky) al gh diś ch'a s trata 'd un sèrt José (Silvio Pullani), òṅ ch'al và c'n al fémni ma anc c'n i masć. A pâr ch'al ragàs al sia mòrt in 'n incidènt ma la Carmen la gh cunfèsa ch'a n è mia acsè.

Culegamènt estéran