Caramelle da uno sconosciuto

C'l artìcul chè 'l è scrit in Miranduléś Emiliàn

Video-x-generic.svg Caramelle da uno sconosciuto
Caramelle da uno sconosciuto.png
La Mara Venier in na figùra dal film
Caramèli da 'n furastēr
1987
Regìa: Franco Ferrini
Scritōr: Franco Ferrini • Andrea Giuseppini
Atōr: Barbara De RossiMaurizio Donadoni
Marina SumaAthina CenciSabrina Ferilli
Mara VenierLaura BettiAntonella Ponziani
Anny PapaGerardo AmatoAnna Galiena
Müsica: Umberto Smaila
Léngua: Itagliàṅ
Dürä dal film: 91 minüt
Nasiōṅ: Itàglia


«
La stòria la trata cun dal curàǵ al téma cald dla prustitusiòṅ, anc qvéla di minōr, e di efèt ch'la pōl cauśàr in dla mènt.»
(Tagline dal film)


Caramelle da uno sconosciuto (Caramèli da 'n furastēr) 'l è 'n film thriller dal 1987 ad Franco Ferrini ch'al 'l à scrit insém a Andrea Giuseppini.

In dal film l'Athina Cenci la canta 'l braṅ Donne così. Ólt'r a lē, prutagunista dal prugràma TV Emilio, in dla pelìcula a gh'è di atri stéli dla televiśiòṅ itagliàna cuma la Mara Venier (Katia e Mara verso oriente), la Barbara De Rossi (Amore criminale) e la Sabrina Ferilli (Amici di Maria De Filippi) in dla part dna putàna cgnusùda cuma „la Rumàna“.

Sunt

In un parc ad Róma, na putàna (Antonella Ponziani) la vîṅ masàda da 'n manìag a cōlp ad raśōr. Soquànt dè dòp da Ravèna a riva in sità na śōvna ciamàda Lena (Barbara De Rossi) par prustituìr-as lè ma prima la gh'à da far di favōr a 'l scaj più vèci cuma la Bruna (Lidia Broccolino) e l’Isa (Anna Galiena) ch'in dal dòpmèśdè a gh'è da tgnir adrē a sò fiōla, la Valentina (Ilaria Cecchi), quànd la và a bàtar.

In séguit, quànd al sasèṅ al cópa anc la Bruna, a s fà viva n'atra putàna 'd prim órdan, la Stella (Mara Venier), ch'la tōś part a 'l sò funeràł insém a di atri culéghi cuma la Nadine (Athina Cenci) e la Monica (Anny Papa). La Nadine la salta sù e la dmanda a gl'atri dóni ad métar-'s insém par ciapàr al sasèṅ. In cal méntar na ragàsa ciamàda Angela (Marina Suma) la dmanda a la Stella ad jutàr-la a tacàr a far al sò mistēr parchè a far la paruchéra la n pòrta a cà gnint. La Stella la gh'astà ma in cambi la vōl la sò part di bèsi.

In dal gir ad pôc tèmp al manìag dal raśōr al fà sù la sò tèrsa vitma, na putàna in là c'n i an ciamàda Jolanda (Laura Betti).

Culegamènt estéran