Canicola
|
C'l artìcul chè 'l è scrit in
Miranduléś |
 Hundstage
| ||
| Canicola | ||
 Na figùra dal film | ||
| Cald bujènt 2001 | ||
|---|---|---|
| Regìa: Ulrich Seidl | ||
| Scritōr: Ulrich Seidl • Veronika Franz | ||
| Atōr: Maria Hofstätter • Alfred Mrva • Rene Wanko Christian Bakonyi • Erich Finsches • Gerti Lehner Claudia Martini • Victor Rathbone • Christine Jirku Leopold Schlol • Franziska Weisz • Georg Friedrich | ||
| Müsica: Marcus Davy | ||
| Léngua: Tedésc | ||
| Dürä dal film: 121 minüt | ||
| Nasiōṅ: Àustria | ||
Canicola (Cald bujènt) 'l è 'n film dramàtic austrìac dal 2001 'd Ulrich Seidl. La pelìcula l'à vins al lèòṅ 'd Argìnt (Gran prèmi dla giurìa) a 'l Fèstival ad Venèsia dal 2001.
Sunt
A sém in un quartēr perifèric ad Vièna durànt un fiṅ 'd stmana cald bujìnt 'd Istâ.
La Klaudia (Franziska Weisz) l'è drē a balàr in discutéca quànd soquànt óm i s prìlan par tgnir-la 'd òć. Al sò muróś Mario (Rene Wanko) al s arlìa sèg e dòp na litgàda al la mòla in autostràda ma al dè dòp al fà sès sèg in màchina. Chi lē la gh'à da cumpatìr-as la sò gelusìa.
L’Anna (Maria Hofstätter) l'è na spurcaciòna ch'la dascór in di parchéǵ a la gint ch'la và a far dal còmpri in di supermarcâ faghénd dal dmandi sénsa sèns cuma «Gh 'l à't incóra al tò cas?» o faghénd la lista di déś mâi ch'i vènan più da spés.
Al sgnōr Hurby (Alfred Mrva) al fà al rapreśentànt ad sistéma 'd alàrm ma al ròbi i n gh vaṅ minga tant bèṅ. Al pasa al sò tèmp in màchina e a sunàr i campanèi. Al gh'à anc da tgnir a drē a di at ad vandalìśum a 'l màchini dal quartēr.
Walter (Erich Finsches), inśgnēr in pensiòṅ e véduv, al tîṅ adrē a 'l sò spéśi, a la pulisìa dla cà e a i stus di vśèṅ. Par festegiàr i sinquànt'an da 'l dè dal sò matrimòni e p'r arcurdàr la mujér, la vècia dóna ch'la gh fà di lavursèṅ in cà (Gerti Lehner) la s cava śò par lò, dòp ès'r-as misa adòs i pagn ad cl'atra, ma 'l pèś par 'l óm a riva quànd al cata al sò caṅ mòrt velenâ.
Na mistra cun i sò an (Christine Jirku) la s cava via i pèi p'r al sò amànt ad vint an più śóvan, Wickerl (Victor Hennemann), un vilàṅ e 'n viulènt.
Marè (Victor Rathbone) e mujér (Claudia Martini) divìś i viv'n incóra insém anc s'i n s cumpatìsan piò. Quànd però lē la pòrta in cà 'n amànt, lò al s incàsa ad brut.