Apri il menu principale

C'l artìcul chè 'l è scrit in Miranduléś Emiliàn

Manifèst ad prutèsta in piàsa a San Pusidóni ch'al diś: Magna magna a gh'è armàś sōl al Cas!


Al CAS (in itagliàṅ, Contributo per l'Autonoma Sistemazione) 'l è 'n cuntribùt in bèsi ch'a vèṅ dâ a i taramutâ d'l Emìglia dal Maǵ dal 2012 ch'i èṅ armàś sénsa na cà agìbila, cun n'urdnànsa ad śgómbar in bisàca, e ch'i aṅ decìś ad rangiàr-as catànd da par lōr un pòst par vìvar da n'atra banda sénsa dmandàr gnint a i cumùn o a la regiòṅ. Cal cuntribùt lè a gh vèṅ dâ in fiṅ tant che la cà la n vèṅ misa a pòst.

A gh'è da tgnir bèṅ che CAS 'l è 'n acrònim mis in pē da 'l Itagliàn e a n gh'è minga da cunfónd'r-as cun la paròla ch'a s dróa in dla léngua emigliàna ch'la vōl dir 'n àtar quèl.

A 'l inìsi i bèsi i vgnìvan dâ diretamènt da qvéi dla Prutesiòṅ civìla (da 'l 29 ad Maǵ a 'l 29 ad Luj) ma dòp a s è fat càrag dla questiòṅ diretamènt la Regiòṅ Emìglia-Rumàgna ch'l'à dâ vita a 'l CAS nōṿ, un cuntribùt ch'a vèṅ pagâ cun di bunìfic a 'l famìji ch'i aṅ patî i dan dal taramòt, p'r un màsim ad nuvsènt euro a 'l méś, a secónd ad cum l'è fata:

  • 350 euro par qvéi ch'i vivìvan da par lōr;
  • 300 euro p'r i baghét ad sóta di quatórd'ś an, p'r i handicapâ, p'r i diśabìi invàlid almànc a 'l 67% e par qvéi più vèć ad ssanta-sinc an;
  • 200 euro par tut chi àtar.

Quànd la cà l'è armìsa a pòst, i bèsi i n vénan più dâ, a gh'è 'n méś ad tèmp par dir-'l a 'l cumùn.

Culegamènt Estéran

(IT) Tiràr sù incóra la basa da 'l bas, al sit dal cumitâ Sisma.12