Brood - La covata malefica
|
C'l artìcul chè 'l è scrit in
Miranduléś |
 The Brood
| ||
| Brood - La covata malefica | ||
 Oliver Reed in na figùra dal film | ||
| Brood - La cuàda malèfica 1979 | ||
|---|---|---|
| Regìa: David Cronenberg | ||
| Scritōr: David Cronenberg | ||
| Atōr: Oliver Reed • Samantha Eggar • Art Hindle Henry Beckman • Nuala Fitzgerald • Cindy Hinds Susan Hogan • Gary McKeehan • Michael Magee Robert A. Silverman • Joseph Shaw • Chris Britton | ||
| Müsica: Howard Shore | ||
| Léngua: Ingléś | ||
| Dürä dal film: 92 minüt | ||
| Nasiōṅ: Cànada | ||
Brood - La covata malefica (Brood - La cuàda malèfica) 'l è 'n film ad scarésa dal 1979 ad David Cronenberg.
Sunt
Frank Carveth (Art Hindle) al gh'à na mujér, la Nola (Samantha Eggar), ch'l'è 'n po' ciucàda in dla tèsta tant ch'la gh'à d' andàr in dla clìnica dal dutōr Hal Raglan (Oliver Reed) par curàr-as druànd na pràtica psichiàtrica invintàda da lò ciamàda “psicuplasmìa”. A tgnir adrē a la baghéta dla còpia 'd sinc an, la Candice (Cindy Hinds), a gh pénsa sò nunóna, la Juliana Kelly (Nuala Fitzgerald). La putìna la và a catàr sò màdar na vòlta a la stmana ma quànd Frank al fà a mènt ch'la gh'à di ségn ad bòti su 'l sò còrp al decìd 'd a n mandàr-'g-la piò.
A 'n sèrt punt i tàc'n a murìr dal parsòni che la Nola la gh l'iva sèg cuma la Juliana Kelly, masàda pròpria davànti a sò anvōda, sò marè Barton (Henry Beckman) e anc la mistra dla putìna, la Ruth Meyer (Susan Hogan). I sasèṅ i èṅ di putèṅ dasfurmâ sénsa dènt e sénsa umbrìgul ch'i pàran di móstar. Al caś al finìs in dal maṅ d'l ispetōr Mrazek (Michael Magee).
Frank 'l è dimóndi in pinsēr e al 'l è incóra da piò quànd al dascór c'n un sèrt Jan Hartog (Robert A. Silverman), ch'al gh l'à a mòrt c'n i psicòlug, e cun 'n èx pasiènt 'd Raglan, Mike Trellan (Gary McKeehan), ch'al figùra la Nola cuma na „Béga regìna“.