Broken - Nessuno vi salverà
|
C'l artìcul chè 'l è scrit in
Miranduléś |
 Broken
| ||
| Broken - Nessuno vi salverà | ||
 La Nadja Brand in na figùra dal film | ||
| Śbragâ - A n v salvarà ninsòṅ 2006 | ||
|---|---|---|
| Regìa: Simon Boyes • Adam Mason | ||
| Scritōr: Simon Boyes • Adam Mason | ||
| Atōr: Nadja Brand • Eric Colvin • Abbey Stirling Megan Van Kerro • Chesse Daves • Olivia Hill Rachel Townend • Atesh Salih • Tom Wade | ||
| Müsica: Emma Holand • Gavin Miller • Mortiis | ||
| Léngua: Ingléś | ||
| Dürä dal film: 96 minüt | ||
| Nasiōṅ: Régn Unî | ||
Broken - Nessuno vi salverà (Śbragâ - A n v salvarà ninsòṅ) 'l è 'n film ad scarésa britànic dal 2006 ad Simon Boyes e 'd Adam Mason.
Sunt
La Hope (Nadja Brand), màdar dna putìna ciamàda Jennifer (Megan Van Kerro), la s déśda in dal cōr dla nòt in na casa da mòrt in un bòsc, saràda dèntar. Al dè dòp 'n óm (Eric Colvin) al la libra ma pò al la liga atàc a 'n àlbar cun na lasa intór'n a 'l còl. La dóna la và in a risć ad murìr impicàda, cuma una ch'la gh'à in frònt a lē, dònca la gh'à da tajàr la lasa in présia, ma la laméta ch'la gh sarvìs l'è stada insfilsàda in dla sò pansa. La Hope, par tiràr-la fóra, l'è custréta a vèrar la cuśidùra e a ravanàr c'n al maṅ in mèś a 'l sò budèli. Na vòlta ch'la l'à ciapàda, la dóna la gh la cava a tajàr la lasa ma pò a riva 'l óm ch'al gh admànda s'la gh'à intensiòṅ ad cuntinuàr. La Hope, ch'la vōl avēr nutìsi 'd sò fiōla, la gh diś ad sè.
In di dè a vgnir 'l óm al gh śibìs da magnàr e da bévar ma pò, tgnénd-la ligàda a na cadéna, al la custrìnś a lavàr soquànt tigiòt e a tgnir adrē a 'l caròti. In séguit 'l óm al rapìs n'atra dóna, la Holly (Abbey Stirling). Esénd che chi lē la gnòla sèmpar, 'l óm al gh taja via la léngua.