Blastucìsta di óm
|
C'l artìcul chè 'l è scrit in
Miranduléś |
Al Blastucìsta di óm (nóm sientìfic “Blastocystis hominis”) 'l è 'n parasìta protozoo anaeròbic d'l óm dal grup di Stramenopiles, sapròfita dal budèli, ch'al dasfrùta e 'l pòrta via a 'l céluli umàni 'l nutrimènt ch'a s cata lè.
Al fà anc di metabulìta tòsic. Al s pōl preśentàr in quàtar fórmi: vacuolàra, améba, magalòta e cisti. A gh'è di àtar parasìda dal grup di blastocystis ch'i pōlan ciapàr anc i gugiōi, i scaravàś, gl'uśèi, i sórag, i pés e 'l simi.
Par malàr-'s ad blastucistóśi a gh'è da bévar dl'àqua cuntaminàda o magnàr dla vardùra lavàda mâł, dla carna còta pôc o tucàr i pét dal bèsti ch'i vìvan nòsc.
Quand al parasìta al riva in dal budèli a pōl vgnir al caghét, dl'ingòsa, di granfi a la pansa, biśógn ad tiràr dal scuréśi, spiùra a 'l cûl, minga vója 'd magnàr, patimènt e fadìga.
Al còrp al próa a paràr via i parasìta c'n al caghét e in gèn'r al sistéma imunitàri 'l è bòṅ ad vìns'r-i facilmènt tant che cal mâł chè, ch'a culpìs 'l 11% di americàṅ a 'l incìrca, 'l è da spés sénsa sìntum.
S'invéci al sistéma imunitàri 'l è frust o s'a n s gh'à piò la milsa al ròbi i pōlan cambiàr e 'l blastucìsta al pōl śvilupàr-as sèmpar da piò tant ch'a s pōl andàr in a risć ad pèrd'r un chilo 'd péś a 'l dè. In chi caś chè a gh'è da tōr di fàrmag cuma 'l metronidazolo.
Culegamènt estéran
Àtar prugèt
Wikiquote contiene citazioni di o su Blastucìsta di óm
Wikimedia Commons contiene file multimediali su Blastucìsta di óm
