Bernard Cazeneuve
|
C'l artìcul chè 'l è scrit in
Miranduléś |
Bernard Cazeneuve (Senlis, 2 ad Śugn dal 1963, a s lèś a 'l incìrca caś-növ in francéś) 'l è un pulìtic sucialìsta picàrd, prim minìstar dla Frància da 'l 6 ad Dicémbar dal 2016. Da śōvan al cmandàva la federasiòṅ dla sinìstra radicàla dla Girónda avénd lò fat di studi pulìtig a Bordó.
'L à ciapâ c'l incàrag lè da 'l presidènt François Hollande ch'al gh'iva da catàr òṅ ch'al tulìs al pòst ad Manuel Valls ch'al s éra dimìs par tōr part a 'l primàri dal partî sucialìsta par gl'elesiòṅ presidensiàli francéśi dal 2017.
Cazeneuve 'l è stâ 'l sìndig 'd Cherbourg-Octeville da 'l 2001 a 'l 2002 quànd al vîṅ numinâ minìstar di afâr européo al 16 ad Maǵ dal 2012. 'L an dòp Jean-Marc Ayrault al gh fà far al minìstar di cònt in dal sò guèran. Da 'l 2 'd Avrìl dal 2014 a 'l 6 ad Dicémbar dal 2016 al finìs a 'l intèran in di guèran Valls I e II.