Benji & Fede

C'l artìcul chè 'l è scrit in Miranduléś

«

Sono qui adesso, lo so non me l'avevi chiesto, me ne fotto e sono qua lo stesso, sei come gli aeroplani, volo sopra le città, oltre le canzoni che danno voce al cuore come al cielo fanno i temporali, ti avevo tenuto un posto a sedere in prima fila, nei meandri del cuore.»

(IT)(Amore Wi-Fi, 2016)

«

A sòṅ chè adès, a 'l sò ch'ta n m 'l iva mia dmandâ, a n m in ciàva gnint e a sòṅ chè listés, at sē cuma gl'aparéć, a vōl 'd sōv'r al sità, da 'd là da 'l canti ch'i dànan vóś a 'l cōr cum a 'l cēl i fàn'n i tempurài, a t iva tgnû 'n pòst a sēd'r in prima fila, in un cantòṅ dal cōr.»

(MUD)

Benji & Fede i èṅ stâ un duo muśicàł emigliàṅ uriginàri 'd Mòdna mis in pē par Benjamin Mascolo (nâ 'l 20 ad Śugn dal 1993) e Federico Rossi (nâ 'l 22 ad Favràr dal 1994).

Biugrafìa

I dū sunadōr i s èṅ cgnusû in dla réda internet al 10 ad Dicémbar dal 2010 a òt óri e sinc dla sira e i aṅ decìś ad dar vita a 'n prugèt muśicàł insém ciamâ Benji & Fede. Cun cal nóm chè i aṅ pò tacâ a publicàr dal cover su YouTube anc s'i n fàvan minga bèl parchè in cal méntar Benjamin 'l éra andâ a studiàr a Hobart in Austràglia.

In dal 2014 i dū mudnéś i aṅ pruâ a pasàr al selesiòṅ dal Prupòsti Nóvi p'r andàr a cantàr a 'l Fèstival ad Sanremo d'l an dòp ma i èṅ stâ scartâ. Mis sóta cuntràt par qvéi dla Warner Music Italy, al grup 'l à fat vgnir fóra al sò prim disc in dal 2015, 20:05, e pò 'n àtar lavōr 'l an dòp da 'l tìtul 0+ cuciâ in élt in clasìfica da i sìngui Amore Wi-Fi e Adrenalina. Tut dū chi àlbum chè i gh l'aṅ cavàda a finìr a 'l prim pòst e a dvintàr disc ad plàtin.

Benji & Fede

Biugrafìa

Discugrafìa

Àlbum in studi

Culegamènt estéran