Attenzione alla puttana santa

C'l artìcul chè 'l è scrit in Miranduléś Emiliàn

Warnung vor einer heiligen Nutte
Attenzione alla puttana santa

Lou Castel, Constantine e l'Hanna Schygulla
in na figùra dal film
Òcio a la putàna santa
1971
Regìa: Rainer Werner Fassbinder
Scritōr: Rainer Werner Fassbinder
Atōr: Lou CastelEddie ConstantineKurt Raab
Margarethe von TrottaMarcella Michelangeli
Rainer Werner FassbinderHanna Schygulla
Ingrid CavenPeter BerlingUlli Lommel
Müsica: Peer Raben
Léngua: TedéscIngléśFrancéśSpagnōl
Dürä dal film: 103 minüt
Nasiōṅ: GermàgnaItàglia


«
A sòṅ stuf mòrt ad tōr śò l'umanità sénsa tōr-ag part!»


Attenzione alla puttana santa (Òcio a la putàna santa) 'l è 'n film dramàtic dal 1971 ad Rainer Werner Fassbinder.

Girâ in sōi 22 dè a Surênt in dal Setémbar dal 1970 in 35 mm e prudót anc da gl'itagliàṅ dla Nova International ad Róma cun dimóndi di cumpunènt d'l Antiteater ad Mònag 'd Bavéra, 'l è al nôn lungumetràǵ dal regìsta tedésc dòp al sò debùt dal 1969. P'r i marcâ ad léngua ingléśa 'l è gnû fóra cun al tìtul ad Beware of a Holy Whore.

Sunt

In 'n albèrg spagnōl in sal mâr al regìsta Jeff (Lou Castel), rivâ lè in elicòtar cun sèg la vècia star Eddie Constantine (Eddie Constantine), un francéś ch'l è bòṅ 'd inténdar sōl la sò léngua, 'l è drē a giràr un film da 'l tìtul Patria e muerte. Ma al ròbi i n vaṅ minga tant bèṅ parchè i atōr i èṅ tut di fóra ad tèsta e pò i bèsi i èṅ finî e a n s sà briśa s'a s pōl tiràr avànti incóra e par quànt.

Jeff al fà al bòṅ e al catìṿ tèmp cun al prudutōr Sascha (Rainer Werner Fassbinder), la sò segretària Babs (Margarethe von Trotta) e i atōr Ricky (Marquard Bohm), Hanna (Hanna Schygulla) e tut chi àtar. Qvist chè i s pàs'n al tèmp, cun na pelìcula ch'la n par finìr mai faghénd dvintàr tut di narvōś, bvénd di bicirèṅ ad Cuba libre in dla hall e miténd-'s insém p'r un mumènt, mia p'r amōr ma sōl pinsànd par lōr.

Al regìsta al s rabìs da spés cun lōr, sigànd fòrt sèg, e al para via anc n'atōra miténd a 'l sò pòst na dóna ch'la tîṅ a drē a i truc, di at'r atōr invéci i s in vànan da par lōr. Quànd pò al film al riva a cumpimènt, Jeff al dascór cun al prutagunìsta Eddie dgénd-ag: «A-j-ò catâ incóra quél ch'a iva pardû: al tèmp».

Culegamènt estéran