Angel killer (film 2002)
|
C'l artìcul chè 'l è scrit in
Miranduléś |
 Fallen angels
| ||
| Angel killer | ||
 Ironside, Graham e la Simonetti in na figùra dal film | ||
| Masadōr 'd àngil 2002 | ||
|---|---|---|
| Regìa: Ian David Diaz | ||
| Scritōr: Julian Boote Michael Derbas • Ian David Diaz | ||
| Atōr: Michael Ironside • Jeff Fahey • Elly Fairman Kai Wiesinger • Esme Eliot • Cassandra Bell Max Brown • Emma Willis • Tony Arunah Abbey | ||
| Müsica: Michael Neilson | ||
| Léngua: Ingléś | ||
| Dürä dal film: 88 minüt | ||
| Nasiōṅ: Cànada • Régn Unî | ||
Angel killer (Masadōr 'd àngil) 'l è 'n film ad scarésa canadéś dal 2002 'd Ian David Diaz.
Sunt
I èṅ pasâ sinc an da quànd la scōla par ragàsi “Holy Angel” 'l à ciapâ fōg in dal méntar ch'al prufesōr ad stòria Richard Leighton (Jeff Fahey) l'éra drē a viulentàr na studènta, la Nell Fisher (Esme Eliot). Par furtùna ch'in sò ajùt 'l éra rivâ al sierìf Ed Rooney (Michael Ironside) ma dagnóra tuti al studènti i èṅ stadi più dasfurtunàdi finénd bruśàdi vivi.
Par far-ag sù di bèsi l'agìnta lundinéśa Melanie Fleischer (Melissa Simonetti), cun 'l ajùt dal prudutōr Pete Bloom (Shawn Graham), la gh'à l'idéa ad giràr un ducumentàri par cuntàr cuś è sucès dabòṅ ch'la nòt là e la fà firmàr un cuntràt a la Natalie Lawrence (Elly Fairman), una dal pòchi ch'in alóra la l'à scampàda, e a 'l sò cumpàgni, la Laurie Campbell (Emma Willis) e la Jade Bowman (Cassandra Bell) ch'adès la fà la mudèla. A gh cala sōl la Nell ch'in cal méntar l'è andàda a star a Seattle parchè tut i gh dàv'n adòs. Pete al s fà càrag 'd andàr a cunvìnsar la ragàsa che par scampàr a fadìga la s è misa a far la pitōra. Al s pòrta sèg al regìsta Tom Craven (Kai Wiesinger) e anc 'n aségn ad sentvintsìnc-mila dòlar e p'r una ch'l'è in buléta sparàda quàl lè 'l è 'n argumènt dimóndi vàlid.
I parènt dal vitmi i n vrévan minga ch'a s faśìs un film ma a s sà, pecunia non olet (I bèsi i n spùsan minga). Tom al taca a giràr ma in cal méntar òṅ al dà inìsi a na sfilaràda ad masamènt.