Alla deriva
|
C'l artìcul chè 'l è scrit in
Miranduléś |
 Open Water 2: Adrift
| ||
| Alla deriva | ||
 La Richardson, Dane, Lange e Speight Jr. in na figùra dal film | ||
| A la derìva 2006 | ||
|---|---|---|
| Regìa: Hans Horn | ||
| Scritōr: Adam Kreutner • Collin McMahon David Mitchell • Richard Speight Jr. | ||
| Atōr: Richard Speight Jr. • Ali Hillis • Susan May Pratt Eric Dane • Niklaus Lange • Cameron Richardson | ||
| Müsica: Gerd Baumann | ||
| Léngua: Ingléś • Francéś | ||
| Dürä dal film: 95 minüt | ||
| Nasiōṅ: Germàgna | ||
Alla deriva (A la derìva) 'l è 'n thriller dramàtic tedésc dal 2006 'd Hans Horn girâ a Malta. Par dasfrutàr al sucès dal film Open Water dal 2003, anc se cal film chè 'l è stâ scrit prima che la pelìcula ad Chris Kentis la vgnis fóra, 'l à tòlt al tìtul 'd “Open Water 2: Adrift”.
Custâ un migliòṅ e dū ad dòlar, al film al 'n à pò muciâ sù siē e òt.
Sunt
'L è 'l cumpleàn ad Zach (Niklaus Lange). Par festegiàr-al al sò amìg Dan (Eric Dane) al gh śibìs ad pasàr, insém a la sò muróśa Lauren (Ali Hillis), un fiṅ 'd stmana in dla sò barca a véla in di mâr dal Mèsic. Dal grup i fànan part anc la pràtica 'd Dan cgnusùda da pôc, la Michelle (Cameron Richardson), e la sò ex muróśa da i tèmp dla scóla, l’Amy (Susan May Pratt), ch'l è rivàda lè insém a sò marè James (Richard Speight Jr.) e a la sò putìna 'd pôc méś, la Sara (Mattea Gabarretta). L’Amy la gh'à sèmp'r adòs al giubét ad salvatàǵ parchè quànd l'éra pìcula (Alexandra Raach) 'l à vdû andgàr sóta i sò òć sò pàdar (Wolfgang Raach) dònca adès la gh'à paùra dal mâr.
Na vòlta rivâ in di àqui vèrti d'l ucéan, al grup al s buta śò par far un bagn, cun Dan ch'al s tira adrē anc l’Amy par far-'g un schèrs. Purtròp lì lò al s è daśmindgâ giùst un quèl, qvél ad tiràr śò la scalarōla par psēr pò muntàr sù incóra. Intraplâ in di àqui élti, luntàṅ da tut, al grup al gh'à da catàr in présia na sulusiòṅ o sinò l'è la fiṅ. I siē, ch'i gh'aṅ un curtèl sèg, i decìd'n ad cavàr-as via i custùm par far na lasa ligànd-i tut insém. Zach al próa a tiràr-as sù ma a 'l ùltim a sa sćiànca incòsa. In cal méntar la pòvra Michelle la và a fónd parchè l'è sfinìda cum un caṅ.