Alejandro Falla

C'l artìcul chè 'l è scrit in Miranduléś

Alejandro Falla (Cali, 14 ad Nuvémbar dal 1983, a s lèś /aleˈxandro 'faλa/ in Spagnōl) 'l è 'n tenìsta culumbiàṅ prufesiunìsta da 'l 2000. 'L è élt 185 cm e al péśa 77 chilo. Al dróa 'l bras sinìst'r e 'l tira 'l arvèrs a dū maṅ.

Al 16 ad Luj dal 2012 'l è rivâ a ès'r al nùmar quarànt'òt dal mónd in singulàr, al secónd dal sò paéś a finìr in di prim sènt dòp Mauricio Hadad. L'è stâ bòṅ ad bàt'r anc un Top 10 cuma Nikolaj Davydenko e di àtar cuma Gaël Monfils e Juan Martín del Potro. In dal 2010 'l è andâ in a risć ad far fóra Roger Federer a Wimbledon pardénd sèg sōl par 6-4 7-5 4-6 6-7 0-6 mént'r in dal 2011 al gh l'à cavàda a rivàr in di utàṿ a 'l Roland Garros.

In dla sò caréra 'l vins tri tìtui features in dal 2003 e ùndas tìtui challenger. 'L à anc śugâ dū finàli ATP ma al li à pardùdi tuti, a Bugutà (cimènt) in dal Luj dal 2013 cónt'r al cruàt Ivo Karlović par 3-6 6-7 e a Halle (èrba) in dal Śugn dal 2014 cóntar Roger Federer par 6-7 6-7.

Culegamènt estéran

(EN) La sò schéda in sal sit d'l ATP

Wikiquote contiene citazioni di o su Alejandro Falla
Wikimedia Commons contiene file multimediali su Alejandro Falla