Al di là dell'orrore
|
C'l artìcul chè 'l è scrit in
Miranduléś |
 Die Nackte und der Satan
| ||
| Al di là dell'orrore | ||
 La Karin Kernke e Horst Frank in na figùra dal film | ||
| Da 'd là dla scarésa 1959 | ||
|---|---|---|
| Regìa: Victor Trivas | ||
| Scritōr: Victor Trivas | ||
| Atōr: Horst Frank • Michel Simon • Karin Kernke Helmut Schmid • Dieter Eppler • Kurt Müller-Graf Paul Dahlke • Christiane Maybach • Maria Stadler | ||
| Müsica: Willy Mattes • Jacques Lasry | ||
| Léngua: Tedésc | ||
| Dürä dal film: 97 minüt | ||
| Nasiōṅ: Germàgna Òvest | ||
Al di là dell'orrore (Da 'd là dla scarésa) 'l è 'n film ad scarésa tedésc dal 1959, girâ in biànc e négar, scrit e dirèt par Victor Trivas.
'L è stâ girâ a Mònag 'd Bavéra.
Sunt
Al vèć dutōr Abel (Michel Simon) 'l à invintâ un lìquid ciamâ „Z“ ch'l è bòṅ ad lasàr viṿ gl'òrg'n umàṅ durànt i trapiànt. Un sò asistènt, al cirùśìg Brandt (Horst Frank) dit Ood, al gh'à da uperàr-'l a 'l cōr parchè lò 'l è dimóndi malâ. Durànt 'l uperasiòṅ però al śōvan al śbàlia quèl e 'l sò mìstar al mōr. Ood al gh dastàca alóra 'l cô pruànd 'n esperimènt ch'l éra andâ bèṅ c'n i caṅ, qvél ad tacàr a di machinàri la tèsta tajàda via da 'l còrp e 'l prucedimènt al funsióna anc su i cristiàṅ parchè Abel al cuntìnua a vìv'r esénd anc bòṅ ad dascórar.
Brandt al decìd pò ad pruàr a dar un còrp parfèt a l'infarméra Irene Sander (Karin Kernke), na dóna cun na bèla ghina ma dasfurtunàda p'r al rèst parchè al gh'à 'n còrp dasfurmâ e gòb. 'L óm al buta 'l òć su na balarìna ad nóm Stella (Christiane Maybach). Par dar un còrp a l’Irene chi lē la gh'à da murìr.