Al Pacino

C'l artìcul chè 'l è scrit in Miranduléś

Alfredo James Pacino (New York, 25 'd Avrìl dal 1940), cgnusû méj cuma Al Pacino, 'l è 'n atōr, prudutōr e regìsta americàṅ, vinsidōr dal Prèmi Òscar dal 1993 p'r al film Scent of a Woman - Profumo di donna e numinâ àtar sèt vòlti. Al s pòrta adrē al scutmàj ad “Sonny”.

Biugrafìa

Al Pacino al nas a Manhattan in dal 1940, fiōl ad genitōr cun di urìgini sicigliàni. Al taca a fumàr a nóṿ an e pò al tast' anc la marijuana. Dòp avér bandunâ la scóla al s ardûś a far al manuàł, al lustrascàrpi e 'l uperàj. A la fiṅ di an Ssanta al studia a 'l Actors Studio par dvintàr atōr ad mistēr.

La sò caréra la taca a tōr pē in dal 1972 quànd Francis Ford Coppola 'l al sarnìs p'r Il padrino (Al padrèṅ, c'n i séguit Il padrino - Parte II dal 1974 e Il padrino - Parte III dal 1990), pò al lavóra cun Sidney Lumet in Serpico (1973) e in Quel pomeriggio di un giorno da cani (Cal dòpmèśdè 'd un dè da caṅ, 1975). In dal 1980 al fà 'n pulisiòt in dal thriller psiculògic Cruising, c'n al mónd gay ad New York ch'al gh dà adòs. Brian De Palma 'l al ciàma in dal 1983 par Scarface (Grugn sfriśâ) e 'l è 'n sucès. C'n Harold Becker al gira 'l thriller bujènt Seduzione pericolosa (Sedusiòṅ periculóśa) insém a l'Ellen Barkin.

In di an Nuànta al tōś part a la pelìcula fantàstica Dick Tracy ad Warren Beatty e in dal film dramàtic Americani (Americàṅ) cun Jack Lemmon, Kevin Spacey, Ed Harris e Alec Baldwin. In dal 1992 al vins 'l Òscar par Scent of a Woman - Profumo di donna (Parfùm ad dóna), pò al gira 'n àtar film cun Brian De Palma, Carlito's Way (A la manéra 'd Carlito). In dal 1996 al fà 'l sò debùt a la regìa cun Riccardo III - Un uomo, un re (Ricârd III - 'N óm , un rè) méntar 'l an dòp al rècita in Donnie Brasco e in L'avvocato del diavolo (’L avucàt dal diàvul). C'n Oliver Stone al fà in dal 1999 Ogni maledetta domenica (Tut al dméndghi maladìdi).

In di an Dumìla 'l è prutagunìsta di film Insomnia, S1m0ne, Il mercante di Venezia e 'd Ocean's Thirteen ad Steven Soderbergh.

Filmugrafìa

1969 - Me, Natalie, regìa ad Fred Coe
1971 - Panico a Needle Park (The Panic in Needle Park), regìa ad Jerry Schatzberg
1972 - Il padrino (The Godfather), regìa ad Francis Ford Coppola
1973 - Lo spaventapasseri (Scarecrow), regìa ad Jerry Schatzberg
1973 - Serpico, regìa ad Sidney Lumet
1974 - Il padrino - Parte II (The Godfather: Part II), regìa ad Francis Ford Coppola
1975 - Quel pomeriggio di un giorno da cani (Dog Day Afternoon), regìa ad Sidney Lumet
1977 - Un attimo, una vita (Bobby Deerfield), regìa ad Sydney Pollack
1979 - ...e giustizia per tutti (...And Justice for All), regìa ad Norman Jewison
1980 - Cruising, regìa ad William Friedkin
1982 - Papà, sei una frana (Author! Author!), regìa 'd Arthur Hiller
1983 - Scarface, regìa ad Brian De Palma
1985 - Revolution, regìa ad Hugh Hudson
1989 - Seduzione pericolosa (Sea of Love), regìa 'd Harold Becker
1990 - The Local Stigmatic, regìa ad David F. Wheeler
1990 - Dick Tracy, regìa ad Warren Beatty
1990 - Il padrino - Parte III (The Godfather: Part III), regìa ad Francis Ford Coppola
1991 - Paura d'amare (Frankie and Johnny), regìa ad Garry Marshall
1992 - Americani (Glengarry Glen Ross), regìa ad James Foley
1992 - Scent of a Woman - Profumo di donna (Scent of a Woman), regìa ad Martin Brest
1993 - Carlito's Way, regìa ad Brian De Palma
1995 - Un giorno da ricordare (Two Bits), regìa ad James Foley
1995 - Heat - La sfida (Heat), regìa ad Michael Mann
1996 - City Hall, regìa 'd Harold Becker
1996 - Riccardo III - Un uomo, un re (Looking for Richard), regìa 'd Al Pacino
1997 - Donnie Brasco, regìa ad Mike Newell
1997 - L'avvocato del diavolo (The Devil's Advocate), regìa ad Taylor Hackford
1999 - Insider - Dietro la verità (The Insider), regìa ad Michael Mann
1999 - Ogni maledetta domenica (Any Given Sunday), regìa 'd Oliver Stone
2000 - Chinese Coffee, regìa 'd Al Pacino
2002 - Insomnia, regìa ad Christopher Nolan
2002 - S1m0ne, regìa 'd Andrew Niccol
2002 - People I Know, regìa ad Daniel Algrant
2003 - La regola del sospetto (The Recruit), regìa ad Roger Donaldson
2003 - Amore estremo - Tough Love (Gigli), regìa ad Martin Brest
2004 - Il mercante di Venezia (The Merchant of Venice), regìa ad Michael Radford
2005 - Rischio a due (Two for the Money), regìa ad D. J. Caruso
2007 - 88 minuti (88 Minutes), regìa ad Jon Avnet
2007 - Ocean's Thirteen, regìa ad Steven Soderbergh
2008 - Sfida senza regole (Righteous Kill), regìa ad Jon Avnet
2009 - I Knew It Was You, regìa ad Richard Shepard - ducumentàri
2011 - The Son of No One, regìa ad Dito Montiel
2011 - Wilde Salome, regìa 'd Al Pacino
2011 - Jack e Jill (Jack and Jill), regìa ad Dennis Dugan
2012 - Uomini di parola (Stand Up Guys), regìa ad Fisher Stevens
2014 - The Humbling, regìa ad Barry Levinson
2014 - Manglehorn, regìa ad David Gordon Green
2015 - La canzone della vita - Danny Collins (Danny Collins), regìa ad Dan Fogelman
2016 - Conspiracy - La Cospirazione (Misconduct), regìa ad Shintaro Shimosawa
2017 - The Pirates of Somalia, regìa ad Bryan Buckley
2017 - Hangman, regìa ad Johnny Martin
2019 - The Irishman, regìa ad Martin Scorsese

Culegamènt estéran

(EN) Filmugrafìa su IMDb

Àtar prugèt

Wikiquote contiene citazioni di o su Al Pacino
Wikimedia Commons contiene file multimediali su Al Pacino