Acantaméba
|
C'l artìcul chè 'l è scrit in
Miranduléś |
L’Acantaméba l'è n'améba a vita libra dla famìja di “Hartmannellidae”. La s cata in di àqui dólsi o anc in dla pólvra. Al cèluli, ad fórma uvàla o a triàngul quànd i s mōvan, i èṅ pìculi esénd ad sòlit fra i 15 e i 35 µm. La sumìlia dimóndi a la Balamuthia mandrillaris e cuma lē la s sèra dènt'r a na cisti quànd al cundisiòṅ d'l ambînt in du la s cata i n èṅ briśa favurévuli. Al cìcclo invéci l'arcòrda qvél dla Neglèria fowleri a part al fat che l’Acantaméba la n gh'à mia un stadi flagelâ e ch'la n supòrta minga gl'àqui caldi.
L’Acantaméba castellanii la gh'à 'n rōl dimóndi impurtànt par la tèra parchè magnànd di batēr, di funś e di àtar protozoo l'è bòna ad far di enśìma ch'i èṅ ùtii a 'l cìcclo micròbic.
Ad suo l’Acantaméba la magna vluntéra di batēr par scampàr ma s'la s cata in dal còrp umàṅ, in dua la gh riva ad travèrs dal fridi o da 'l naś, la dvènta 'n parasìta ch'al ciàpa a 'l vōl l'ucaśiòṅ. In d'l óm la pōl difàti far vgnir dū brut mâi: in dal sarvèl l'Encefalìte Granulomatóśa Amèbica ch'la masa dagnóra sèmpar (da piò dal 95% di caś), specialmènt in di sugèt ch'i gh'aṅ al diféśi imunitàri basi, e n'infesiòṅ a la còrnea ch'la pōl rénd'r òrub[1], facilmènt in dal parsòni ch'i pòrt'n al lénti a cuntàt lavàdi cun dl'àqua e minga c'n i sò prudót specìfic.
Nòti
- ↑ Acantaméba perìcul inviśìbil: al batēr ch'al fà vgnir òrub e ch'la s traśmét c'n al lénti a cuntàt Infooggi.it, 29 ad Mars dal 2013
Àtar prugèt
Wikiquote contiene citazioni di o su Acantaméba
Wikimedia Commons contiene file multimediali su Acantaméba
