Abbronzatissimi 2 - Un anno dopo

C'l artìcul chè 'l è scrit in Miranduléś Emiliàn

Abbronzatissimi 2 - Un anno dopo

La Valeria Marini in na figùra dal film
Abrunśatìsim 2 - 'N an dòp
1993
Regìa: Bruno Gaburro
Scritōr: Carla Giulia Casalini
Bruno Gaburro • Lucio Gaudino
Atōr: Jerry CalàEva GrimaldiVanessa Gravina
Maria Grazia CucinottaMauro Di Francesco
Franco OppiniPier Maria CecchiniValeria Marini
George HiltonMarina OcchienaBrando Giorgi
Carmen Di PietroLetizia RacoRenato Cecchetto
Müsica: Riccardo Eberspacher
Léngua: ItagliàṅRus
Dürä dal film: 105 minüt
Nasiōṅ: Itàglia


Abbronzatissimi (Abrunśatìsim 2 - 'N an dòp) l'è na cumèdia itagliàna dal 1993 ad Bruno Gaburro, séguit 'd Abbronzatissimi ad dū an prima.

In dla culòna sunóra dla pelìcula, giràda in Rumàgna, i s càt'n i pès All That She Wants di Ace of Base e Show Me Love dla Robin S..

Sunt

Durànt la stagiòṅ dal vacànsi 'd Istâ a Sèrvia i s incróś'n al stòri ad soquànt persunàǵ.

Al giurnalìsta Martino (Jerry Calà) al gh'à na pasiòṅ p'r i telefunèṅ e p'r al màchini spurtìvi. Insém a sò mujēr Stella (Eva Grimaldi), da 'l asènt vènet dimóndi pēś e ch'a gh piàś tgnir un diàri, al decìd ad pasàr na stmana in dal Grand Hutèl dal diretōr Attilio (Franco Oppini), un purcùs ch'al manda dal létri 'd amōr a tuti 'l dóni dla strutùra, cuma la hostess nóva (Maria Grazia Cucinotta). Martino al vrév cgnósar lè 'l editōr Raimondo Mondì (Gianfranco Manfredi) par psēr publicàr un sò lìbar.

Al ragàs vìrgin Umberto Boccioni (Marco Modigliani) al gh'à sèmpar la tèsta su i lìbar, a 'l cuntràri 'd sò pàdar salumēr (Renato Cecchetto) ch'al vrév far un scambi 'd còpia, śibénd la sua (Marina Occhiena) a 'l pòst 'd n'atra. P'r un malintéś al finìs par mét'r-as 'd acòrd pròpria cun Martino.

La Daniela Senesi (Vanessa Gravina), in vacànsa par daśmindgàr sò marè Piero (Mauro Di Francesco) ch'la vrév anc divursiàr, la finìs pò p'r incruśàr-al pròpria lè, cun lò ch'al và sèmp'r adrē par turnàr-'g insém. Par paràr-al via la fà finta 'd ès'r inamuràda d'l idràulig rus Andrej (Pier Maria Cecchini).

La śōvna Bea (Valeria Marini), ch'la s vargnóggna 'd far-as véd'r in gir c'n un muróś dimóndi più grand ad lē, Alfredo (George Hilton), la taca na stòria c'n un ragàs ciamâ Maurizio (Brando Giorgi) méntar la sò amìga Jessica (Barbara Cavallari) la s davśìna a Umberto par far dū ciàcri.

Culegamènt estéran