Abatidōr ed temperadùra
|
C'l artìcol chè 'l è scrit in
Carpśàn |
'L abatidōr ed temperadùra (abbattitore di temperatura[1] in itagliàṅ) 'l è 'n eletrodomèstic da gròsa cuśèina, ch'al frèda dimòndi in fuga i magnèr e 'l vìn ùtil in dal preparasiòun 'd cuśèina profesionèli, per comunitê o industrièli.
Cun 'l abatidōr a s egh'la chèva 'd mandèr a bâs, in n'óra e mêś, la temperadùra di magnèr da apèina côt infìn a 3°C anc in dal só dedàinter, che acsè a s egh la chèva 'd sfrucèr-i in dal frigo dimòndi prèsti, e 'l servìs anc quand a gh'è biśògn ed purtèr a bâs in fuga la temperadùra di magnèr da surgelèr.
Col normatìvi gnudi fóra in di ùltem tèimp, 'l abatidōr 'l è dvintê ùtil còunt'r a 'l pès a rìsć 'd avér-egh 'l aniśàkis[2] in dla pansa, che difât al dēv stèr a -20°C per almànc un dè per masèr al parasìta, e pò 'l abatidōr, col mandèr a bâs acsè in fuga la temperadùra, al permèt che i magnèr bèle côt i s mantègnen cun poca carga 'd batèri, c'ma ch'i fùsen apèina fât, secònd dagli ètri arcmandasiòun elenchèdi in dl HACCP.
Vōś lighèdi
Noti e referèinsi
- ↑ (IT) Al funsionamèint edl abatidōr spieghê in na lesiòun per cōg in sìm'a 'l youtube.
- ↑ (IT) Circolêr 11 mêrs 1992, n. 10 : Direttive e raccomandazioni in merito alla presenza di larve di Anisakis nel pesce, in dla Gazzetta Ufficiale della Repubblica Italiana, Serie Generale, nº 62, 14 mêrs 1992.
Colegamèint estèren
- (IT) Soquànti infurmasiòun in sìm'ai abatidōr in dla réda.
- (IT) Soquànti slide al riguèrd dla sicurèsa dal magnèr, edla Regiòun Emìglia-Romàgna in dla réda.