A mia sorella!
|
C'l artìcul chè 'l è scrit in
Miranduléś |
 À ma sœur!
| ||
| A mia sorella! | ||
 De Rienzo, la Mesquida e la Reboux in na figùra dal film | ||
| A mè surèla! 2001 | ||
|---|---|---|
| Regìa: Catherine Breillat | ||
| Scritōr: Catherine Breillat | ||
| Atōr: Arsinée Khanjian • Libero De Rienzo Anaïs Reboux • Roxane Mesquida • Laura Betti Romain Goupil • Albert Goldberg • Odette Barrière Ann Matthijsse • Michel Guillemin • Claude Sésé | ||
| Müsica: Fabrice Nguyen Thai • Jean-Paul Jamot | ||
| Léngua: Francéś • Itagliàṅ • Ingléś | ||
| Dürä dal film: 93 minüt | ||
| Nasiōṅ: Frància • Itàglia | ||
A mia sorella! (A mè surèla!) 'l è 'n film dramàtic francéś e itagliàṅ dal 2001 dirét par la Catherine Breillat.
In di marcâ ad léngua ingléśa 'l è cgnusû cuma Fat girl (Budlòna) o For my sister (Par mè surèla). 'L à ispirâ al film dal 2002 Sex is Comedy, sèmpar dla Breillat.
La pelìcula l'à vins 'l Premio Manfred Salzgeber a 'l Fèstival 'd Berlîn dal 2001 p'r al mijór film.
Sunt
L’Anaïs (Anaïs Reboux) l'è na baghéta ciciòna ad tréd'ś an ch'la s cata in vacànsa in sl'ìśula 'd Oléron insém a sò surèla Elena (Roxane Mesquida), più granda ad lē ad dū an, e a i sò genitōr. Quànd l’Elena la cgnós in un bar al rumàṅ Fernando (Libero De Rienzo), la s inamóra ad lò e la fà anc dal sès sèg in dla cambra da lèt cun l’Anaïs ch'la i tîṅ 'd òć.
I genitōr i bàdan pôc a 'l dū fiōli e 'l pàdar (Romain Goupil) 'l è anc custrét a partìr prima par lavōr. Quànd la màdar (Arsinée Khanjian) la vèṅ a savér qvél ch'l'à fat l’Elena, la tōś 'n apuntamènt cun al ginecòlug. Durànt la nòt, cun al tri dóni férmi in un parchéǵ a punsàr, a riva lè un laśaròn (Albert Goldberg) ch'al cópa la màdar e l’Elena, prima ad viulentàr l’Anaïs. Chi lē, p'r a n dar-'g-la vinsa cunfisànd 'd èsar dvintàda na sò cunquìsta, la n diś gnint a la pulisìa.