Éva Henger
|
C'l artìcul chè 'l è scrit in
Miranduléś |
L’Éva Henger (Győr, 2 ad Nuvémbar dal 1972) l'è n'atōra, persunàǵ televiśìṿ e cantànta ungheréśa cun la sitadinànsa itagliàna.
L'è dvintàda famóśa in di an Nuànta girànd di film pòran par Riccardo Schicchi, ch'l'à spuśâ in dal 1994 avénd-ag sèg dū fiōi, la Mercedesz e Riccardino, e Joe D'Amato. Al sò miśùri i èṅ 90-61-88.
Biugrafìa
La Henger, a darsèt an, la vins al tìtul ad Miss Teen Ungherìa in dal 1989 méntar 'l an dòp la firma 'n cuntràt cun l'agensìa italo-ungheréśa Blue Angels e la riva in Itàglia in du la s léga a 'l agìnt dal mónd dal spetàcul Riccardo Schicchi. Da 'l 1993 in avànti la gira soquànt film pòran faghénd di film cuma Finalmente pornostar! e Peccati di gola. In dal 1996 l'è in dal cast dla cumèdia 'd Neri Parenti Fantozzi - Il ritorno.
A la fîṅ di an Nuànta la gh dà 'n taj c'n al pòran e la taca a cantàr e lauràr in televiśiòṅ e a 'l cìnema, faghénd E adesso sesso e Le barzellette par Carlo Vanzina.
In dal 2001 la tōś part a la secónda edisiòṅ dal reality show La fattoria cundót par la Barbara d'Urso pò la tōś al pòst dla Nina Morić in dgl'ultmi puntàdi 'd Convenscion, prugràma su Rai 2 cun Enrico Bertolino e la Natasha Stefanenko. In séguit la lavóra insém a Max Tortora e a Max Giusti in dal prugràma Stracult in di pagn dla sgnōra Fottenberg.
In dl'Istâ dal 2005 la cundùś Paperissima Sprint su Canale 5 catànd dimóndi sucès fra i putèṅ. Sèmpar su Mediaset in dal 2007 l'è a cap dla squàdra dal purcùsi in Ciao Darwin ad Paolo Bonolis méntar su Italia 1 la lavóra cun Alessandro Cecchi Paone in dal quiz Azzardo.
La Henger l'à anc fat vgnir fóra soquànt sìngui muśicài cuma Ooh Yeah (1998), Quando te quiero (2007) e Parole Parole Parole (2011).
Filmugrafìa
- 1996 - Fantozzi - Il ritorno, regìa ad Neri Parenti
- 1998 - Il fantasma, regìa ad Joe D'Amato
- 1999 - Un mostro di nome Lila, regìa 'd Enrico Bernard
- 1999 - I sogni proibiti di Lila, regìa 'd Enrico Bernard
- 2001 - Il gioco dei sensi, regìa 'd Enrico Bernard
- 2001 - E adesso sesso, regìa ad Carlo Vanzina
- 2004 - Le barzellette, regìa ad Carlo Vanzina
- 2005 - Tutti all'attacco, regìa ad Lorenzo Vignolo
- 2006 - Parentesi tonde, regìa ad Michele Lunella
- 2006 - La natura di Lila, regìa 'd Enrico Bernard
- 2006 - Nemici per la pelle, regìa dla Rossella Drudi
- 2008 - Bastardi, regìa ad Federico Del Zoppo e 'd Andres Alce Meldonado
- 2008 - Torno a vivere da solo, regìa ad Jerry Calà
- 2008 - Guardando le stelle, regìa ad Stefano Calvagna
- 2012 - Fallo per papà, regìa ad Ciro Ceruti e 'd Ciro Villano