La rivincita dei nerds IV
|
C'l artìcul chè 'l è scrit in
Miranduléś |
 Revenge of the Nerds IV:Nerds in Love | ||
| La rivincita dei nerds IV | ||
 La Bohrer e Armstrong in na figùra dal film | ||
| L'arvìnsida di sfigâ IV 1994 | ||
|---|---|---|
| Regìa: Steve Zacharias | ||
| Scritōr: Steve Zacharias • Jeff Buhai Tim Metcalfe • Miguel Tejada-Flores | ||
| Atōr: Curtis Armstrong • Julia Montgomery Corinne Bohrer • Robert Carradine • Brian Tochi Joseph Bologna • Ted McGinley • Jessica Tuck John Pinette • Christina Pickles • Donald Gibb Larry B. Scott • Diane Robin • James Gleason | ||
| Müsica: Garry Schyman | ||
| Léngua: Ingléś | ||
| Dürä dal film: 92 minüt | ||
| Nasiōṅ: Stat Unî | ||
La rivincita dei nerds IV (L'arvìnsida di sfigâ IV) l'è na cumèdia americàna dal 1994, fata par la televiśiòṅ, ad Steve Zacharias, quàrt e ùltim capìtul dla saga di Nerds tacàda in dal 1984 cun la pelìcula La rivincita dei Nerds.
Sunt
Al “nerd” Dudley Dawson (Curtis Armstrong), dit “càcula” p'r al sò visi 'd métar-'s i dî in dal naś, al vrév spuśàr la sò muróśa Jeanie Humphrey (Corinne Bohrer) esénd ch'i s càtan bèṅ insém. La ragàsa l'à imparâ da lò anc a rudgàr cum a s dév. Sò pàdar Aaron (Joseph Bologna), un republicàṅ sfegatâ ch'al vrév tacàr na caréra pulìtica e ch'al s ufénd quànd i gh dànan dal ric nóṿ, 'l è cuntràri dal tut e 'l dà 'l incàr'g a sò śéndar Chip Medford (Stephen Davies), al marè 'd sò fiōla più granda Gaylord (Jessica Tuck), ad catàr la manéra ad far saltàr al matrimòni.
In cal mént'r i amìg “sfigâ” 'd càcula, 'l inventōr Lewis Skolnick (Robert Carradine) cun sò mujēr Betty (Julia Montgomery) ch'la spèta 'n putèṅ, al muśnènt Ogre (Donald Gibb), al budlòṅ Trevor Gulf (John Pinette), al chichèṅ Lamar (Larry B. Scott), al futógrafar Takashi (Brian Tochi) e 'l ingiangulâ Harold (Gregg Binkley), i rìvan par festegiàr insém. Stan Gable (Ted McGinley) invéci al n pōl minga tōr part a la serimògna parchè 'l è a cà cun la férsa.
Chip al dmanda ajùt a 'l investgadōr privâ Chad Penrod (Robert Picardo) par catàr un quàlc segrét in dla vita 'd Càcula par butàr-'g adòs dla śmalta abàsta par custrìnśar la Jeanie a lasàr-al. Chad al s preśénta a la fèsta dgénd che Dudley al gh'à na fiōla a Sandusky (Ohio) nada fóra da 'l matrimòni, l’Heidi (Sophie Buhai).