La rivincita dei Nerds
|
C'l artìcul chè 'l è scrit in
Miranduléś |
 Revenge of the Nerds
| ||
| La rivincita dei Nerds | ||
 La Muellerleile e Cassese in na figùra dal film | ||
| L'arvìnsida di Sfigâ 1984 | ||
|---|---|---|
| Regìa: Jeff Kanew | ||
| Scritōr: Tim Metcalfe • Jeff Buhai Miguel Tejada-Flores • Steve Zacharias | ||
| Atōr: Robert Carradine • Anthony Edwards Brian Tochi • Ted McGinley • Andrew Cassese Curtis Armstrong • Larry B. Scott • Donald Gibb John Goodman • Michelle Meyrink • Lloyd Sherr Marianne Muellerleile • Timothy Busfield | ||
| Müsica: Thomas Newman | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
La rivincita dei Nerds (L'arvìnsida di Sfigâ) l'è na cumèdia americàna dal 1984 ad Jeff Kanew.
Al film al gh'à abû tri séguit: La rivincita dei nerds II dal 1987, La rivincita dei Nerds III - The next generation dal 1992 e La rivincita dei nerds IV dal 1994, sōl par la televiśiòṅ. In dal 2006 la Fox Atomic l'arév vlû far-'g anc 'n arfacimènt ma pò la gh'à dâ sù.
In dla culòna sunóna i s pōlan catàr, fra i àtar, i braṅ Burning Down the House di Talking Heads, Thriller ad Michael Jackson e We Are the Champions di Queen.
Sunt
Lewis Skolnick (Robert Carradine) e Gilbert Lowe (Anthony Edwards) i èṅ dū amìg par la pèl, ma anc di sfigâ sémpar drē a studiàr. I decìdan 'd iscrìv'r-as a l'università in dal cōrs 'd infurmàtica. Quànd i èṅ là i càtan subìt un grup ad studènt, śugadōr ad fùtbol americàṅ ch'i fànan part dn'asuciasiòṅ ciamàda "Beta Alpha", ch'i gh daṅ adòs rivànd anc a bruśàr-ag la cà ch'la gh fà da durmitòri. I dū ragàs, insém a di àtar cumpàgn sò para, i èṅ custrét a 'ndàr a durmìr in dla palèstra dla scóla.
I sfigâ i decìdan ad far-'g-la védar, tacànd cun al mét'r-as insém, cun al nóm ad "Lambda Lambda Lambda". I vōl'n anc butàr śò da la sò scrana al presidènt dal "Cunsìli Grèc", Stan Gable (Ted McGinley), òṅ di "Beta Alpha".