C'l artìcul chè 'l è scrit in Miranduléś Emiliàn


La sinsàla Aedes aegypti ch'la pòrta sèg al Vìrus Zika


Al Vìrus Zika l'è 'n RNA vìrus dla famìja Filoviridae iśulâ par la prima vòlta in dal 1974 in Ugànda in dla furèsta Zika anc s'adès al s è stramnâ in tut al mónd, anc in Europa.

In di ès'r umàṅ al fà vgnir la févra Zika, un mâł ch'al sumìlia dimóndi a la dengue, a la févra śala, a l'encefalît dal Nîl ucidentàł e a l'encefalît giapunéśa. Al s ciàpa c'n al murśgàdi dal sinsàli, specialmènt qvéli dal gènar Aedes cuma la sinsàla tigra o l'Aedes aegypti. A s è vdû anc di caś in dua la gint la s è bcada la Zika insém a la Dengue e a la Chikungunya.

Al vìrus al viṿ in dal còrp di óm, dal simi e ad soquànt mamìfar, pò a gh pénsa la sinsàla a purtàr-'l in gir.

La févra Zika la n è minga 'n mâł ch'al faga patìr tròp però a n gh'è minga na cura, a gh'è sōl da spétar ch'al pasa da par lò dòp soquànt dè. Al pōl far vgnir dal maci rósi in sla pèla diti rash, na févra alśēra, mâł a la tèsta e la cungiuntivìte. Al 25% di malâ però al n gh fà gnanc a mènt.

A s pénsa ch'al vìrus Zika al pòsa ès'r un perìcul p'r al dóni ch'i gh'aṅ 'd avér fiōl parchè i putèṅ i pōlan nàsar c'n al sarvèl pìcul o dasfurmâ. In dal 2015 in Braśìl a 'n è nâ trimìla-òtsènt[1].

Nòti