Trigonometrî
Artéccol in dialàtt bulgnaiṡ
La trigonometrî (dal grîg trigonon = trî cantón e metro = misuraziån) l'è 'na pèrt d'la matemâtica ch'la dscårr ed cantón, trianguel e funzión trigonometrichi, cme al seno (abreviè sin), al coseno (abreviè cos) e tanzänt (abreviè tan), L'è cunpagna a la geometrî, anch's ai é quel d'on ch'al dîs ch'al n è po brîsa acsé vair. Par quèl d'on la trigonometrî l'è såul 'na pèrt d'la geometrî.
Definizión
modifica
La trigonometrî la drova 'na quantitè granda ed parôl spezéffichi par descrîver däl pèrt d'un trianguel. Äl definizión pió cgnossó én:
- Trianguel drétt - Un trianguel drètt l'è un trianguel ch'l à un anguel ch'lè cunpagna a 90 grèd. I valûr trigonometric i pôlen èser druvè såul int'i trianguel drétt.
- Ipotenûsa - L'ipotenûsa d'un trianguel l'è la pèrt pió longa, qualla davänti al cantån drétt. Pr' esänpi pr'al trianguel a man drétta l'ipotenûsa l'è al lè c.
- Oppûst d'un cantån - Al lè davänti a un cantån l'è al lè ch'al n incontra brîsa la vatta dal cantån. Pr' esänpi al lè a l'è al cantån da cl'ètra pèrt pr'al cantån A int'al trianguel a man drétta.
- Adiazänt d'un cantån - Al lè adiazänt d'un cantån l'è al lè ch'l incontra la vatta dal cantån mo brîsa l'ipotenûsa. Pr'esänpi al lè b l'è adiazänt al cantån A int'al trianguel a man drétta.