Apri il menu principale

Provincia di Parma-Stemma.png Artìcol in dialètt pramsân Parma-Stemma.png

I Tordè d’arbètta în ...

Tordè d’arbètta

Pr'al dèt i tordej j g'han da isir: "long ed tgniss, sensa r'taj, foghè in t'al butèr e sughè in t'al formaj"[1].

IngredjéntModifica

  • Par la pàsta: sesént gràm äd farén’na, cuàtor ớv, socuànt cuciär d’ àcua, un psigòt äd säl.
  • P’r al pjén : tarzént gràm d’ arbètti, tarzént gràm äd ricòta romàna, du giäld d’ ớv, séntsincuànta gràm äd formàj gràna pramzàn razù bớn.

Par consär:Modifica

Butér frèssch, formàj gràna pramzàn bớn. Lavär bén bombén ilj arbètti, po zbojintäria con pòch àcua, zgosäria e stricagnäria par tirär via tutt i resìddov d’ àcua e tridäria fén. Mèttor la ricòta in-t-na trén’na insèmma ilj arbètti tridädi, i giäld d’ớv, al säl e al formàj gràna pramzàn. Tastär al pjén par vèddor s’ l’ e bén savorì mèttrol in frìgo cuatè, preparär la fojäda sutìla. Ciapär al pjén e fär di mucc’ insìmma a la fojäda a pòca distànsa vớn da l’ ätor, pigär la pasta e schisärla con i dìd trà un mucc’ e l’ätor, tajär i tordè con la rodéla par la fojäda. Fär bòjjor l’àcua bén saläda in-t-na brớnza e po versär i tordè in-t-la brớnza.

Mezdär con manéra e cuànd jén còt al dént tớr via la brớnza dal fớgh. Con ‘na mess’cia foräda tiräria su poc a-la volta e mèttoria a strät in-t-na supéra con ‘na spolvräda äd formàj gràna pramzàn e ‘na coläda äd butér fuz a fớgh lént ogni strät, sarvìria bén cäld.

  1. (IT) Proverbialmente i tortelli devono essere: "lunghi e saldamente chiusi, senza tanta pasta intorno, affogati nel burro e asciugati col formaggio (Parmigiano-Reggiano, ovviamente)".