Teratòma
|
C'l artìcul chè 'l è scrit in
Miranduléś |
Al Teratòma (da 'l grèc τέρας-, “móstar” e -oma “càncar”) 'l è 'n càncar di tesû embriunài, benìgn, malìgn o na via 'd mèś a secónda di caś.
A s trata 'd un magalòt ad tesû, cumpàgn o anc da spés misć, ch'al mét insém tut tri i fujét embriunài: ectodèrma, endodèrma e meśodèrma e dònca i gh pōl'n èsar di tesû di òs, di pès ad dènt, dla cartilàgina, di mùscui, di cavìi e via dascurénd. Cuma tuti 'l céluli di embriòṅ al teratòma, tgnénd adrē a 'l sò DNA malâ, 'l è cuma s'al dis vita a n'atra parsòna tacànd a śvilupàr a la cas ad caṅ sénsa critèri e in na quàlc manéra tut i sò pès difarènt.
.jpg)
In gèn'r i teratòma i s càt'n in di uvàri in dal dóni o in di cajòṅ in di óm ma i s pōl'n anc śvilupàr da di atri bandi cuma 'l sarvèl o i palmòṅ[1]. A n gh'è minga da cunfónd'r-al c'n al fetus in fetu ch'l è 'n àtar quèl.
Al perìcul 'l è ch'al sistéma imunitàri, dand-'g adòs, al pòsa pò far àtar tant c'n i tesû bòṅ cumpàgn a qvéi da cumbàtar. Inóltar i teratòma i pōlan stramnàr in gir di sò urmòṅ difarènt da qvéi dal còrp d'l òspit e qvést chè 'l è 'n fat periculóś ch'a pōl anc masàr a la lunga. Par tiràr-i via a gh'è da far 'n intervènt chirùrgic.
Culegamènt estéran
Nòti
- ↑ A n éra minga 'n càncar, ma 'n “śmèl” embriunàl cun dènt, òs e cavìi GQ, 23 'd Avrìl dal 2015
Àtar prugèt
Wikiquote contiene citazioni di o su Teratòma
Wikimedia Commons contiene file multimediali su Teratòma
