Artéccol in dialètt mudnés

La Ghirlandèina, a Mòdna.

Mòdna (179.087 abitànt, capolôgh dl'omònima pruvèinza) l'è na zitè dl'Eméglia-Rumàgna, ch'la s tróva in mêz a dō fiómm, la Sáccia a sinèstra e al Panêr a destra. L'è famóśa ad un livèl internaziunêl par l'indóstria automobilistica (Ferrari, Maserati) e par l'azê balsàmic.
Mòdna l'è la sêd 'd óna dal pió antìghi universitê dal mànd e la sêd dl'arcivèscov; l'è anca stèda, per dimòndi téimp, la capitêl dal duchêt di Este. Al Dóm ed Mòdna, la tôr campanaria ciamèda Ghirlandèina e la Piaza Granda i én stèdi numinèdi patrimoni mundièl edl'umanitê da l'UNESCO in dal 1997. I abitànt ed Mòdna i ìn ciamê mudnéś, mo anca zemiàn, da 'l nàmm dal Sant prutetōr dla zitè ch'l è San Zemiàn, festezê al 31 ed znèr.
Lês la vôż...