Stefano Parisi

 Miranduléś

C'l artìcul chè 'l è scrit in Miranduléś

Parisi tòlt śò in dal 2016

Stefano Parisi (Róma, 12 ad Nuvémbar dal 1956, a s lèś [ˈstefano pa'ɾizi] in itagliàṅ) 'l è 'n manager e pulìtig itagliàṅ.

Biugrafìa

Laureâ in “Ecunumìa e Cumèrs” a l'università La Sapienza 'd Róma, in dal 1984 a gnanc trént'an al taca a lauràr a 'l Ministēr dal Finànsi, pò 'l pasa a la vice-presidénsa dal cunsìli di minìstar (guèran De Mita) e a 'l ministēr par 'l èstar sóta 'l sucialìsta Gianni De Michelis.

In dal 1997 al và a star a Milàṅ ciamâ da 'l sìndig Gabriele Albertini a far al City Manager dla sità lumbàrda. In dal 2000 al dvènta diretōr generàł dla Cunfindùstria durànt la presidénsa 'd Antonio D'Amato. In dal 2004 'l è numinâ aministradōr delegâ 'd Fastweb pò 'l pasa a Chili, purtàł dla réda internet in du a s pōl véd'r i film in streaming.

P'r al sèntar-dèstra al cur a la carga 'd sìndig 'd Milàṅ in dal 2016 ma 'l pèrd a 'l balutàǵ cóntar Giuseppe Sala dal sèntar-sinìstra. Dòp avēr dâ vita a 'n muimènt pulìtig tut suo, Energìi par l'Itàglia, in dal 2018 al s càndida a dvintàr al guvernadōr dal Lasi cóntar Nicola Zingaretti dal PD.