Vàrvora dal cōr

C'l artìcol chè 'l è scrit in Carpśàn

El vàrvori dal cōr (valvole cardiache in itagliàṅ) gl'ìn chel vàrvori ch'i despègnen el diresiòun da dèr a 'l sanghev dàint'r in dal cōr e vers egli artèri ch'i gh'partìsen ded lè.

I gh'àn na strutùra fibróśa e i lavóren sàinsa di cmand nervōś o muscolêr, mo sōl cun la presiòun dal sanghev ch'a gh'pasa da mêś.

El vàrvori dal cōr gl'ìn quàter:

La vàrvora dl'aòrta tra 'l vaintrìcol ed manca e l'artèria aòrta
La vàrvora tricùspid da mêś tra 'l atri 'd drìta e 'l só vaintrìcol sàimp'r ed drìta
La vàrvora pulmonèra tra 'l vaintrìcol ed drìta e j artèri pulmonèri
La vàrvora mitrèla tra 'l atri e 'l vaintrìcol ed manca

I muimèint del diferèinti varvri in dal mèinter che 'l sanghev al pasa p'r al cōr.

Vóś lighèdi

Èter progêt

Wikimedia Commons contiene file multimediali su Vàrvora dal cōr

Colegamèint estèren

(IT) La vōś in sìm'a 'l Vucabulàri Treccani.