Urchèstra Castellina-Pasi

C'l artìcul chè 'l è scrit in Miranduléś Emiliàn


«
Chi lo sa che faccia ha, chissà chi è, tutti sanno che si chiama Lupin, era qui un momento fa, chissà dov'è, dappertutto hanno visto Lupin, ogni porta si aprirà, chissà perché, se l'accarezza Lupin, sto tremando qui dentro di me, chi lo sa, stanotte tocca a me, se gioielli e denari e tesori non ho, a Lupin il mio cuore darò.»
(IT)(Lupin, 1982)
«
Che fàcia gh'à'l chi 'l sà, giusà chi 'l è, tut i saṅ ch'al s ciàma Lupin, 'l éra chè sōl adès, giusà in du 'l è, dapartùt i aṅ vdû Lupin, tut i us i s v'raràṅ, giusà 'l parchè, s'l i carésa Lupin, a sòṅ drē a tarmàr dènt'r ad mè, a s pōl dar, stanòt a tóca à mè, se giuièi e bèsi e teśôr a n gh'ò minga, a Lupin al mè cōr a darò.»
(MUD)


L’Urchèstra Castellina-Pasi l'è na banda rumagnōla ch'la sòna al gènar lis misa in pē in di an Ssanta par Roberto Giraldi (sunadōr ad mandśét ad Briśighèla, in art Castellina) e Giovanni Pasi (sunadōr faintèṅ ad saxòfun). In dla sò caréra l'à muciâ sù tri disc 'd òr.

Caréra

Dòp 'n inìsi c'n al nóm 'd I gai Romagnoli, Giraldi e Pasi i decìdan ad sunàr insém druànd al nóm ad Castellina-Pasi.

Cun al boom dal lis, al grup 'l incìd sòquànt sìngui ad sucès cuma Il valzerone, Tutto pepe, Folle sentimento, Parigino, Luna messicana, Il campanello, Santa Monica e Gli amici della notte in fiṅ a rivàr a la canta par putèṅ Lupin, siggla 'd un cartòṅ animâ dimóndi famóś in di an Utànta.

Anc dòp la mòrt ad Castellina, vgnuda in dal 2000, al grup al và avànti listés anc in di giōran nòstar.

Culegamènt Estéran