Strêda statêla 468 ed Curèz
Artécol in dialèt arzân
La vècia strêda statêla 468 ed Curèz (SS468) (strada statale 468 di Correggio in italiân) adèsa strêda pruvincêla 468R ed Curèz (strada provinciale 468R di Correggio in italiân) in pruvîncia ed Rèz[1] e in pruvîncia ed Mòdna [2]e strêda pruvincêla 67R ed Curèz (strada provinciale 67R di Correggio (SP 67 R) in italiân)[3] in pruvincia ed Frêra, l'é 'na strêda pruvincêla italiâna ch' la cór int la Pianûra padâna emiliâna
Percōrs modifica
La strêda la gh'à urégin al pôrti ed Rèz e, mèinter la và avânti tra mezanôt e matèina, l'incrōşa la NSA 17 Variânt ed Rèz (a l'altèsa dal cruşîl nòmer 3) la pâsa insém a l' A1 Milân-Napoli e la rîva a Curèz, paèiş da dōve la strêda la ciâpa a nòm.
La strêda, mèinter la cunténva vêrs matèina e l'incrōşa l' Avtostrêda A22 a l'altèsa da cruşîl per Chêrp, la rîva int la pruvîncia ed Mòdna. Dôp avèir traversê l'abitê ed Chêrp la cunténva vêrs matèina e dôp pôch chilômeter la pâsa al Sècia e ûn a drē cl'êter la pâsa i paèiş ed Cavèss, Medòla (in dó l'incrōşa la strêda satêla 12 ed l'Abetòun e dal Brennero) e San Felìz (in dóv' a s égh zûnta la strêda statêla 568 ed Crevalcōr).
La strêda la và avânti vêrs matèina fîn a Finêl Emélia in dó la travêrsa al fióm Panêr mèinter cunténva d'ed là, la và int la pruvîncia ed Frêra, in dó la finés int al cèinter abitê ed Mirabèl cun al zuntêres cun la vècia strêda statêla 225 ed Sân Matteo ed la Dècima.
Dôp al decrēt ed lèg n. 112 dal 1998, dal 2001 la gestiòun l'é pasêda da l' ANAS a la Regiòun Emélia-Rumâgna, int l'istès mumèint è stê pruvidû al pasâg ed tót l'impiânt a i demâni dal prunvîci ed Rèz, Mòdna e Frêra p'r al trâti relatîvi.[4].
Nôti modifica
- ↑ [1] Strêdi pruvincêli e comunêli ed Rèz
- ↑ [2]Strêdi pruvincêli e comunêli ed Mòdna
- ↑ [3]Strêdi pruvincêli e comunêli ed Frêra
- ↑ [[4]] L.R. 4 mâg 2001, n. 12 (art. 164). Regiòun Emélia Rumâgna - B.U. 58 dal 7 mâg 2001
Nôta: cla pâgina ché l'é stêda fâta cun la tradusiòun ed Strada statale 468 di Correggio trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.