Smana (śōg ed ragasōl)

C'l artìcol chè 'l è scrit in Carpśàn Emiliàn

Al śōg edla smana ind un quèder dal Théophile-Emmanuel Duverger 'd inìsi Novsèint.

Al śōg edla smana l'è na manéra 'd pasèr-'s al tèimp di putèin e dal ragasōli quand a gh'è bel tèimp a l'ària 'verta.

Cum'a s śōga

I putèin i disègnen un schéma a sêt caśèli (c'ma sêt dè la gh'à la smana) col gesèt in sìm'a 'l pavimèint dal curtîl, o anca cun un bastunsèin ch'al sgranfègna la tèra, pò a turen i gh'àn da butèr un sasèin dàint'r in dal prìm quadrê subìt lè davànti, ch'al s'rèv al dè dal lunedè, saltèr-egh dèinter, tōr sù al sasulèin e saltèr per tùt chi èter dè (mo in dal dè dla dmenga, a s es pōl anc arpunsèr). Vgnû bèin cal pasàǵ chè dal lunedè, al stès putèin al tirarà 'l sasèin dàint'r in dal quadrê dal martedè, al seltarà dàint'r in dal caśèli in sucesiòun, tulènd sù al sasulèin in dal màinter ch'al pasa dàint'r a 'l quadrê dal martedè, e via acsè per tùt chi èter dè dla smana. Vgnû bèin tùt chi selt chè, sàimp'r al stès putèin al gh'arà da fèr n'ètra volta al gîr ed tùt i dè dla smana, mo stavòlta pugènd al sasulèin apèina tolt sù da tèra, in sìm'a la fròunt, e saltèr ded sà e ded là sàinsa psér guardèr per tèra: minga difìcil che 'l ragasōl al pista col pē na riga disgnèda col gesèt, mo in cal mumèint lè, 'l à sbagliê e alóra al turen ed śughèr al tucarà a 'n èter putèin[1].

Vóś lighèdi

Colegamèint estèren

Referèinsi

  1. (IT) I giochi di una volta, dla Graziella Gardini Pasini, Ravèna, 2005