S. Darko
|
C'l artìcul chè 'l è scrit in
Miranduléś |
 S. Darko
| ||
 La Daveigh Chase e Lafferty in na figùra dal film | ||
| id. 2009 | ||
|---|---|---|
| Regìa: Chris Fisher | ||
| Scritōr: Nathan Atkins • Richard Kelly | ||
| Atōr: Daveigh Chase • Briana Evigan • Walter Platz James Lafferty • Ed Westwick • Bret Roberts | ||
| Müsica: Ed Harcourt | ||
| Léngua: Ingléś | ||
| Dürä dal film: 103 minüt | ||
| Nasiōṅ: Stat Unî | ||
S. Darko (id.) 'l è 'n film dramàtic e fantàstic americàṅ dal 2009 ad Chris Fisher séguit dal film Donnie Darko dal 2001 ad Richard Kelly che però al s è ciamâ fóra da cal prugèt chè.
Cuntàda quàtar migliòṅ ad dòlar, la pelìcula la 'n à pò purtâ a cà dagnóra sinc.
Sunt
Sèt an dòp la mòrt ad sò fradèl Donnie, spaplâ da 'n aparéć ch'l è finî śò in dla sò cà, la Samantha Darko (Daveigh Chase) la decìd ad partìr da la Virgìgna insém a la sò amìga Corey (Briana Evigan) p'r andàr in Califòrgna in du lē la vrév far la balarìna. Durànt al viàś però al dū ragàsi i armàgn'n a pē in un paiśèṅ dal Utah parchè la sò màchina la gh'à 'n guàst.
Al śōvan Randy (Ed Westwick) al s śibìs ad jutàr-li a giustàr-la ma p'r intànt i gh'aṅ da catàr na cambra par durmìr. Al padròṅ dal mutèl al gh diś ch'un baghét dal pòst, Billy Moorcroft, 'l è sparî e adès a n s cata piò, a s pōl dar ch'al sia stâ masâ da 'n manìac. Anc al fradlèṅ ad Randy 'l à fat na fiṅ cumpàgna.
Cla nòt lè la Samantha la taca a 'ndàr in gir sunàmbula. In na versiòṅ futùra 'd lē la dascór su 'n mulîṅ a vènt cun Justin (James Lafferty), 'n èx suldâ ciamâ da tut Iraq Jack ch'al sènt al vóś dòp èsar turnâ da la guèra. La ragàsa la gh diś ch'al mónd 'l è drē a finìr ma lò 'l al sà bèla: «4 dè, 17 óri, 26 minùt, 31 secónd... cal chè quànd a finirà 'l mónd». Subìt dòp a casca śò da 'l cēl 'n meteurìt ch'al dastrùś al mulîṅ ma Justin al la scampa.