C'l artìcul chè 'l è scrit in Miranduléś Emiliàn

Robert Downey Jr. tòlt śò in dal 2014


Robert Downey Jr. (New York, 4 'd Avrìl dal 1965) 'l è 'n atōr e prudutōr americàṅ, candidâ a 'l Prèmi Òscar p'r al rōl ad Charlie Chaplin in dal film Charlot e ad Kirk Lazarus in Tropic Thunder.

'L è cgnusû, óltar che p'r i sò prubléma crònig ad dròga, anc p'r avér dâ la sò ghigna a 'l persunàǵ ad Tony Stark àlias Iron Man in soquànti pelìculi dla Marvel Comics ch'i gh'aṅ frutâ tri migliàrd ad dòlar sōl p'r i capìtui The Avengers, Avengers: Age of Ultron e Iron Man 3. 'L à girâ anc la série televiśìva Ally McBeal.

In pasâ 'l è stâ spuśâ cun la musicìsta Deborah Falconer méntar da 'l 2005 al 'l è cun l'atōra Susan Levin cgnusùda in sal sèt dal film Gothika.

Biugrafìa

Fiōl dal regìsta Robert Downey, Sr., al gira sèg al sò prim film a sinc an, Pound. Al cata ì'l sucès cun la pelìcula Ehi... ci stai? dal 1986, an in dua al rècita anc in dal film Al di là di tutti i limiti in dua al fà la part 'd un ragàs ric drugâ pódag.

In dal 1992 al fà Charlie Chaplin in dal film ad Richard Attenborough Charlot e al vèṅ numinâ a 'l Prèmi Òscar sénsa però vìns'r-al. In dal 1994 al lavóra cun Oliver Stone in Assassini nati - Natural Born Killers. In di an Nuànta al gira anc dū film cun Robert Altman, America oggi dal 1993 e Conflitto d'interessi dal 1998.

In dal 2008 'l è 'l prutagunìsta dal film Iron Man in dua al fà la part dal ciavadōr migliardàri e super-eroe Tony Stark, prima dna série 'd pelìculi ch'i gh frùtan dimóndi sucès e 'n squantèr'n ad bèsi. Al gira anc Tropic Thunder e a riva n'atra nomination a i Prèmi Òscar.

In dal 2009 al gira insém a Jude Law al film Sherlock Holmes.

Filmugrafìa

Un sò prim piàṅ
Robert in di guàj ma al la tōś bèṅ

Culegamènt estéran

Àtar prugèt