C'l artìcul chè 'l è scrit in Miranduléś Emiliàn

Repulsion

La Catherine Deneuve in na figùra dal film
Repulsiòṅ
1965
Regìa: Roman Polański
Scritōr: Roman Polański • Gérard Brach
Atōr: Catherine DeneuveYvonne Furneaux
Ian HendryJohn FraserPatrick Wymark
Helen FraserRenee HoustonValerie Taylor
James VilliersHugh FutcherMonica Merlin
Müsica: Louis Chico Hamilton
Léngua: Ingléś
Dürä dal film: 104 minüt
Nasiōṅ: Régn Unî


«
Al mónd arbgatóś di insùni dna vìrgin al dvènta 'n fat véra ch'al squàsa la mènt in dal schèrum!»
(Tagline dal film)


Repulsion (Repulsiòṅ) 'l è 'n film dramàtic dal 1965, girâ in biànc e négar, ad Roman Polański. 'L è stâ preśentâ a 'l Fèstival ad Berlîṅ in dua 'l à vins 'l „Órs 'd Argìnt“.

La pelìcula l'è la sò prima giràda in Ingléś dòp al sucès 'd Il coltello nell'acqua, girâ in Pulàc.

Sunt

La Carole Ledoux (Catherine Deneuve) ad mistēr la mét a pòst gl'ungi e 'l maṅ in un salòṅ ad belésa. L'è dimóndi timda, imbalsàda e la gh'à na scarésa fòrta p'r i óm, esénd lē anc andrufòbica cun na repulsiòṅ fìśica p'r i masć. La daśvèṅ da 'l Bélgi e la viṿ a Lóndra insém a sò surèla Hélène (Yvonne Furneaux). Chi lē l'è cumpagnàda cun Michael (Ian Hendry), un ragàs che lē la n s cumpatìs pròpria briśa par via dal sò distùrub mentài. La n pōl védar gnanc al sò ròbi ch'al tîṅ in dla sò cambra.

Quànd l’Hélène e 'l sò muróś i partìsan p'r un viàś, lē la và fóra 'd tèsta e la cópa in dal sò apartamènt un śóvan ch'al gh fava 'l fìl, Colin (John Fraser), e pò la buta 'l sò cadàvar in dla vasca da bagn. La sò vita la s impinìs 'd arbgàt, la s invènta da tut p'r a n andàr briśa a lauràr. La s sèra dèntar, inciuldànd 'l us cun n'asa.

Quànd pò al padròn ad cà al la và a catàr (Patrick Wymark) e al próa a viulentàr-la in sal divàṅ, lē la cópa anc qvést chè.

Culegamènt estéran