Punt ed fùm
|
C'l artìcol chè 'l è scrit in
Carpśàn |
Al punt ed fùm (punto di fumo in itagliàṅ) 'l è la tàimpradùra indû 'n óli o 'n grâs drē a scaldèr-es al taca a butèr fóra dal fùm celestèin ch'al pùsa e 'l dà fastìdi. In cal fùm lè a s pōl catèr-egh anch edl'acroleèina, na sustàṅsa tòsica[1] da respirèr.
Dôp che l'acroleèina, al fùm edla fritùra al pōl avér-egh di idrocarbûr policìclic aromàtic, dali amìni eterocìclic, dla formaldèida, dl'asetaldèida e dl'acrilamìda. L'International Agency for Research on cancer (IARC) l'à clasifichê cagli èmisiòun chè c'ma "probabil agèinti dal cancher".
Al punt ed fùm al dipènd da 'l volti ch'a s dróva sàimp'r al stès òli per frìś'r-egh dàinter, da 'l tîp ed grâs ch'a s dróva e, in dal chìmic, da l'aciditê dal grâs estès.
Vōś lighèdi
Noti e referèinsi
- ↑ (EN) La tosicitê dl'acroleèina in dal Regìster p'r el sustànsi tòsichi e 'l malatìi dl'Agensìa dla Geòrgia