C'l artìcol chè 'l è scrit in Carpśàn Emiliàn

La Malala a 'l Congrès dal Ragàsi in dal lój 2014.
La Malala ch'la descòr cun Obàma in dla Cambra ovêl in dl utòber 2013.
La cunsègna dal Prémi Sakharov a la Malàla a 'l Parlamèint ed Straśbùrg in dal 20 novèmber 2013.

Malala Yousafzai, o anca Malala Yousufzai (in ûrd : ملالہ یوسف زئی) l'è na studàinta anglo-pakistàna cumbatèinta p'r i dirìt ed cal dòni in dal Pakistan, nèda al 12 ed lój dal 1997 a Mingora, in dla pruvèinsa dal Khyber Pakhtunkhwa, e vinsidóra, al 10 'd utòber 2014, dal Prémi Nobel per la pêś.[1]

La ragàsa l'à visû a Mingora, la sitê più impurtànta dal distrèt ed Swat, in dal nord dal Pakistan, indû a ghe stà dimòndi talebàṅ. Studàinta dimòndi brèva, in dal 9 'd utòber dal 2012, soquànt talebàṅ i àn tentê 'd masèr-la perchè chilōr i n'vólen minga che 'l ragasóli e gnanc cal dòni i s'istruìsen.[2] La Malala la s l'è cavèda, mo p'r al ròt edla scùfia, perchè i l'ìven frìda dimòndi grêv, e l'ìva duvû èser purtèda a Birmingham in dl'Inghiltèra per gnìr-egh fòra, cun dal curi dimòndi delichèdi.

Referèinsi

Colegamèint estèren