C'l artìcul chè 'l è scrit in Miranduléś Emiliàn

La casa dell'orco

La Sabrina Ferilli in na figùra dal film
La cà d'l ōrc
1988
Regìa: Lamberto Bava
Scritōr: Dardano Sacchetti • Lamberto Bava
Atōr: Virginia BryantPaolo MalcoPatrizio Vinci
Sabrina FerilliDavid FlosiAlice Di Giuseppe
Stefania MontorsiAlex SerraLamberto Bava
Müsica: Simon Boswell
Léngua: Itagliàṅ
Dürä dal film: 96 minüt
Nasiōṅ: Itàglia


«
Cuś a sucéd quànd gl'arbgàt ad quànd at sēr pìcul tut 'd un trat i dvèntan véra?»
(Tagline dal film)


La casa dell'orco (La cà d'l ōrc) 'l è 'n film ad scarésa dal 1988 ad Lamberto Bava, girâ par la televiśiòṅ in Ùmbria. Al fà part dal pachét “Brivido giallo” insém a àtar tri film dal regìsta rumàṅ, A cena col vampiro, Una notte al cimitero e Per sempre.

A 'l èstar 'l è cgnusû anc c'n al nóm ad Demons 3: the ogre.

Sunt

La Cheryl (Virginia Bryant) la tira avànti scrivénd di racònt ad paùra. Insém a sò marè Tom (Paolo Malco) e a sò fiōl Bobby (Patrizio Vinci) la decìd ad tōr in afìt un castèl ùmbar da 'n amìg ad famìja par punsàr e tōr ispirasiòṅ p'r al nóṿ rumànś ch'la gh'à da far. Ma quànd l'è là i tórnan gl'arbgàt ad quànd lē l'éra na putìna e ad quànd in cantìna a gh'éra 'n ōrc ch'al gh saltàva adòs.

Sò marè al n gh dà minga a mènt, par furtùna che gh'è l’Anna (Sabrina Ferilli) ch'la gh créd. Chi lē l'è n'insgnànta ad matemàtica dal pòst e la pénsa che l'americàna c'n i sò scrit la pòsa védar qvél ch'a gh'à incóra da sucédar.

Culegamènt estéran